അർജുൻ ടെണ്ടുൽക്കർ ടീമിൽ; പ്രീ സീസൺ ടൂർണമെൻറിനുള്ള മുംബൈ ടീം പ്രഖ്യാപിച്ചു

മുംബൈ: ക്രിക്കറ്റ് ഇതിഹാസം സച്ചിൻ ടെണ്ടുൽക്കറുടെ മകൻ അർജുൻ ടെണ്ടുൽക്കർ മുംബൈ ക്രിക്കറ്റ് ടീമിൽ ഇടം പിടിച്ചു. ഇടംകയ്യൻ പേസറായ താരം ബാപുനാ കപ്പിനുള്ള മുംബൈ ടീമിലാണ് സ്ഥാനം പിടിച്ചത്. നാഗ്പൂരിലാണ് ബാപുനാ കപ്പ് നടക്കാൻ പോവുന്നത്. പതിനഞ്ചംഗ ടീമിനെയാണ് പ്രഖ്യാപിച്ചത്.

മുംബൈ ഇന്ത്യൻസ് ബാറ്റ്സ്മാനും സീനിയർ താരവുമായ സൂര്യകുമാർ യാദവാണ് ടീമിൻെറ നായകൻ. മുംബൈ ക്രിക്കറ്റ് അസോസിയേഷൻ വെബ് സൈറ്റിലാണ് ടീമിനെ പ്രഖ്യാപിച്ച കാര്യം അറിയിച്ചത്. ബാപുനാ കപ്പ് പ്രീ സീസൺ ടൂർണമെൻറാണ്. വിദർഭ ക്രിക്കറ്റ് അസോസിയേഷനാണ് ടൂർണമെൻറ് സംഘടിപ്പിക്കുന്നത്.

Read More: ടെസ്റ്റ് ടീമിൽ സ്ഥാനം ഉറപ്പാക്കി യുവതാരം; ലക്ഷ്യം മറ്റൊന്ന്, അശ്വിനും രോഹിതിനും വെല്ലുവിളി

സെപ്തംബർ അഞ്ച് മുതലായിരിക്കും ടൂർണമെൻറ് ആരംഭിക്കുക. മുംബൈ ടി20 ലീഗിലും നേരത്തെ അർജുൻ ടെണ്ടുൽക്കർ കളിച്ചിട്ടുണ്ട്. അഞ്ച് ലക്ഷം രൂപക്കായിരുന്നു താരത്തെ ടീം ഏറ്റെടുത്തിരുന്നത്. 19കാരനായ അർജുൻ ഇന്ത്യൻ ടീമിനായി നെറ്റ്സിലും പന്തെറിഞ്ഞിട്ടുണ്ട്.

Read More: കോഹ‍്‍ലിക്ക് ആ താരത്തെ മടുത്ത് തുടങ്ങി, ഇനി പരിഗണിച്ചേക്കില്ല; തുറന്നടിച്ച് ഹർഭജൻ