​ശ്രീലങ്കക്കെതിരെ സഞ‍്‍ജു സാംസണ് സെഞ്ച്വറി

കൊൽക്കത്ത: ശ്രീലങ്കക്കെതിരായ സന്നാഹ മത്സരത്തിൽ ബോർഡ് പ്രസിഡൻറ്‍സ് ഇലവന് വേണ്ടി മലയാളി താരം സഞ‍്‍ജു സാംസൺ സെഞ്ച്വറി നേടി. 143 പന്തില്‍ നിന്ന് 128 റൺസെടുത്ത് ടീം ക്യാപ്റ്റൻ കൂടിയായ സഞ‍്‍ജു പുറത്തായി. ടീമിലെ മറ്റൊരു മലയാളി താരം രോഹന്‍ പ്രേം 39 റണ്‍സ് നേടി.

ആദ്യം ബാറ്റിങിനറങ്ങിയ ശ്രീലങ്ക ആറു വിക്കറ്റ് നഷ്ടത്തില്‍ 411 റണ്‍സെടുത്ത് ഇന്നിങ്സ് ഡിക്ലയര്‍ ചെയ്യുകയായിരുന്നു. ബോര്‍ഡ് പ്രസിഡന്റ്‌സ് ഇലവന് 280 റണ്‍സെടുക്കുന്നതിനിടെ അഞ്ചു വിക്കറ്റ് നഷ്ടമായി.

19 ഫോറുകളും ഒരു സിക്സറും അടങ്ങിയതായിരുന്നു സഞ‍്‍ജുവിൻെറ സെഞ്ച്വറി. 89.51 സ്ട്രൈക്ക് റേറ്റിലായിരുന്നു താരത്തിൻെറ പ്രകടനം. 63 പന്തുകളിൽ നിന്നായിരുന്നു സഞ്ജു അ‍ർധ സെഞ്ച്വറി നേടിയത്.