റിഷഭ് പന്ത് ടീമിന് ബാധ്യതയാവുന്നു, സഞ്ജു സാംസണിനെ വിക്കറ്റ് കീപ്പറാക്കണം; തുറന്നടിച്ച് ഇന്ത്യൻ ഇതിഹാസം!!

ഇന്ത്യയുടെ യുവ ക്രിക്കറ്റർ റിഷഭ് പന്തിൻെറ ഫോം ഇല്ലായ്മയെ വിമർശിച്ച് മുൻ താരം വിവിഎസ് ലക്ഷ്മൺ. ഇത്രയേറെ അവസരം നൽകിയിട്ടും താരത്തിന് തൻെറ പ്രതിഭയോട് നീതി പുലർത്താൻ സാധിച്ചിട്ടില്ല. ഇനിയും ഇതേ അവസ്ഥയിലാണ് തുടരുന്നതെങ്കിൽ ഇന്ത്യ പന്തിനെ മാറ്റണമെന്ന് തന്നെയാണ് ലക്ഷ്മൺ ആവശ്യപ്പെടുന്നത്. ഫോമിലെത്താനാവുന്നില്ലെങ്കിൽ സഞ്ജു സാംസണിന് വേണ്ടി റിഷഭ് പന്ത് വഴി മാറിക്കൊടുക്കുന്നതാവും നല്ലതെന്ന് ലക്ഷ്മൺ തുറന്നടിച്ചു. വെസ്റ്റ് ഇൻഡീസിനെതിരായ ടി20 ടീമിൽ സഞ്ജുവിനെ ഉൾപ്പെടുത്തിയത് റിഷഭ് പന്തിനുള്ള വ്യക്തമായ സന്ദേശമാണ്. ഒന്നുകിൽ നന്നായി കളിക്കുക, അല്ലെങ്കിൽ പുറത്ത് പോവുക എന്നതാണ് ഇന്ത്യൻ യുവതാരത്തിന് മുന്നിലുള്ള വഴിയെന്നും ലക്ഷ്മൺ പറഞ്ഞു.

Also Read: കളിക്കുക, അല്ലെങ്കിൽ പുറത്തേക്ക്; വെസ്റ്റ് ഇൻഡീസിനെതിരായ പരമ്പര മൂന്ന് താരങ്ങൾക്ക് നിർണായകം!!

"സഞ്ജു സാംസണിനെ പോലെ മികച്ച ഒരു താരം ബാക്ക് അപ്പായി ഉണ്ടെന്ന് വ്യക്തമാക്കുകയാണ് ടീം മാനേജ്മെൻറ് ചെയ്തിരിക്കുന്നത്. വിൻഡീസിനെതിരെ അത് കൊണ്ട് കൂടിയാണ് സഞ്ജു ടീമിലെത്തിയത്. നിരവധി അവസരങ്ങൾ റിഷഭ് പന്തിന് നൽകിക്കഴിഞ്ഞു," ലക്ഷ്മൺ സ്റ്റാർ സ്പോർട്സിനോട് പറഞ്ഞു.


ടീം മാനേജ്മെൻറും സെലക്ഷൻ കമ്മിറ്റിയും അർപ്പിച്ചിട്ടുള്ള വിശ്വാസം കാക്കാൻ ഓരോ കളിക്കാരനും ബാധ്യസ്ഥനാണ്. പന്ത് പ്രതിഭാശാലിയായ ബാറ്റ്സ്മാനാണ്. എന്നാൽ ടീമിന് വേണ്ട രീതിയിൽ കളിക്കാൻ അദ്ദേഹത്തിന് സാധിക്കുന്നില്ലെന്നും ലക്ഷ്മൺ വ്യക്തമാക്കി. ഇതാദ്യമായാണ് ഒരു മുൻ ഇന്ത്യൻ താരം സഞ്ജുവിന് വേണ്ടി ഇത്ര ശക്തമായ ഭാഷയിൽ വാദിക്കുന്നത്.

Also Read: IPL 2020: മുംബൈയിലേക്കോ, ചെന്നൈയിലേക്കോ ? ടോം ബാൻറണ് ഈ ടീമാണ് താൽപര്യം; ഇംഗ്ലീഷ് വെടിക്കെട്ട് താരം അടുത്ത സീസണിൽ ഓപ്പണർ?!