ഐപിഎല്‍ ലേലത്തിന് 7 മലയാളി താരങ്ങളും...

കൊച്ചി: ഏപ്രിലിൽ നടക്കുന്ന ഐപിഎല്‍ മത്സരങ്ങൾക്കായുള്ള താര ലേലത്തിന് ഏഴു മലയാളി താരങ്ങളും. കേരള രഞ്ജി ട്രോഫി ടീം ക്യാപ്റ്റന്‍ രോഹന്‍ പ്രേം, വലം കയ്യന്‍ പേസര്‍മാരായ സന്ദീപ് വാര്യര്‍, ബേസില്‍ തമ്പി, കെ.എം. ആസിഫ്, ഓപ്പണിങ് ബാറ്റ്സ്മാന്‍ വിഷ്ണു വിനോദ്, ഓഫ് സ്പിന്നര്‍ ഫാബിദ് ഫാറൂഖ്, ഓള്‍ റൗണ്ടര്‍ സി.വി. വിനോദ് കുമാര്‍ എന്നിവരെയാണു 20നു ബെംഗളൂരുവില്‍ നടക്കുന്ന താരലേലത്തില്‍ ഉള്‍പ്പെടുത്തിയിരിക്കുന്നത്. പത്ത് ലക്ഷം രൂപയാണ് അടിസ്ഥാന വില.



ഇത്രയേറെ മലയാളി താരങ്ങള്‍ ഐപിഎല്‍ താരലേലത്തില്‍ ഇടം പിടിക്കുന്നത് ഇതാദ്യമാണ്. മലയാളി താരങ്ങളായ സഞ്ജു സാംസണെ ഡല്‍ഹി ഡയര്‍ ഡെവിള്‍സും സച്ചിന്‍ ബേബിയെ ബാംഗ്ലൂര്‍ റോയല്‍ ചലഞ്ചേഴ്സും തങ്ങളുടെ സ്ക്വാഡില്‍ നിലനിര്‍ത്തിയിട്ടുണ്ട്.


seven-malayali-players for ipl-auction.