ക്രിക്കറ്റ് ലോകത്തെ അമ്പരപ്പിച്ച് അഫ്രീദിയുടെ വണ്ടർ ക്യാച്ച്

കറാച്ചി: പാക് സൂപ്പർ ലീഗിൽ ക്രിക്കറ്റ് ലോകത്തെ അമ്പരപ്പിച്ച് വണ്ടർ ക്യാച്ചെടുത്ത് മുൻ പാകിസ്ഥാൻ നായകൻ ഷാഹിദ് അഫ്രീദി. വെടിക്കെട്ട് ബാറ്റിങ് കൊണ്ടും സ്പിൻ മാജിക് കൊണ്ടും അമ്പരപ്പിച്ചിട്ടുള്ള അഫ്രീദി ഫീൽഡിലും വിസ്മയമാവുകയാണ്. പ്രായത്തെ വെല്ലുന്ന താരത്തിൻെറ ഫീൽഡിങ് പ്രകടനത്തിൻെറ വീഡിയോ സാമൂഹ്യ മാധ്യമങ്ങളിൽ തരംഗമാവുകയാണ്.

ഖ്വാട്ട ഗ്ലാഡിയേറ്റേഴ്‌സിന്റെ ഉമര്‍ അമീറിൻെറ ക്യാച്ചാണ് കറാച്ചി കിംഗ്‌സ് താരമായ അഫ്രീദി ഒറ്റക്കയ്യിൽ ഒതുക്കിയത്. ബൗണ്ടറി ലൈനിൽ നിന്ന് ഒറ്റക്കയ്യിൽ പിടിച്ച ശേഷം പന്ത് മുകളിലേക്കെറിഞ്ഞ് ബൗണ്ടറി വര കടന്നതിന് ശേഷം വീണ്ടും ബാലൻസ് ചെയ്ത് തിരിച്ച് വന്നായിരുന്നു അഫ്രീദിയുടെ വണ്ട‍ർ ക്യാച്ച്.
Dunya age se burhi hoti he yeh banda jawan @SAfridiOfficial superb👌🏻❤️ #psl2018 pic.twitter.com/5YmSr9hjy0 — Shaharyar Ejaz🏏 (@SharyOfficial) February 23, 2018