ശിഖർ ധവാനെ ഇനിയും ടെസ്റ്റിൽ പരീക്ഷിക്കേണ്ടതുണ്ടോ ?

ലണ്ടൻ: ഇംഗ്ലണ്ടിൽ അവസാനിച്ച ടെസ്റ്റ് പരമ്പര ഇന്ത്യയുടെ ബാറ്റിങ് നിരയുടെ ദൗർബല്യങ്ങൾ വെളിവാക്കുന്നതായിരുന്നു. ഒരു മത്സരത്തിൽ പോലും ഇന്ത്യക്ക് ഓപ്പണിങിൽ മികച്ച തുടക്കം ലഭിച്ചില്ല. സ്ഥിരതയില്ലാത്ത ഓപ്പണിങ് ജോഡി ഇന്ത്യക്ക് ഒരു ഗുണവും ചെയ്തില്ല.

ഇക്കൂട്ടത്തിൽ ശിഖർ ധവാനെ ഇനിയും ടെസ്റ്റിൽ കളിപ്പിക്കണമോയെന്ന് ഇന്ത്യൻ ടീം മാനേജ്മെൻറ് ചിന്തിച്ച് തുടങ്ങുന്നുണ്ട്. പരിമിത ഓവർ ക്രിക്കറ്റിൽ ധവാൻ ഇന്ത്യയുടെ മികച്ച ഓപ്പണിങ് ബാറ്റ്സ്മാൻ തന്നെയാണ്. എന്നാൽ ടെസ്റ്റിൽ ഇംഗ്ലണ്ട് പര്യടനത്തിലും ധവാൻ പരാജയപ്പെടുന്നതാണ് കണ്ടത്.

കളിച്ച എട്ട് ഇന്നിങ്സുകളിൽ 26, 13, 35, 44, 23, 17, 3 , 1, എന്നിങ്ങനെയാണ് ധവാൻെറ സ്കോർ. ആകെ നേടിയത് 162 റൺസ്. വിദേശത്ത് എത്ര മാത്രം പരാജയമാണ് താന്നെന്ന് തെളിയിക്കുകയായിരുന്നു ധവാൻ. അവസരം കിട്ടിയിട്ടും ഒന്നും ചെയ്യാനാവാത്ത ധവാനെ ഇനിയും സെലക്ടർമാർ പരീക്ഷിക്കുമോ എന്നത് കണ്ടറിയണം.