​ഷോയബ് അക‍്‍ത‍ർ പാക് ക്രിക്കറ്റ് ബോ‍ർഡ് അംബാസഡർ

ന്യൂഡൽഹി: പാകിസ്ഥാൻ ക്രിക്കറ്റ് ബോർഡിൻെറ (പിസിബി) അംബാസഡറായി മുൻ ഫാസ്റ്റ് ബൗളർ ഷോയബ് അക‍്‍തറെ നിയമിച്ചു. ക്രിക്കറ്റ് അഫയേഴ‍്‍സ് ചെയ‍ർമാൻെറ ഉപദേശക സ്ഥാനത്തും പാക് ക്രിക്കറ്റ് ബോ‍ർഡ് അക‍്‍തറെ നിയമിച്ചിട്ടുണ്ട്. ബോ‍ർഡ് ചെ‍യർമാൻ നജം സേതിയാണ് ഇക്കാര്യം അറിയിച്ചത്.

നേരത്തെ സേതിക്കെതിരെ രൂക്ഷവിമ‍ർശനം ഉന്നയിച്ചിട്ടുള്ള താരമാണ് അക‍്‍ത‍ർ. പാകിസ്ഥാൻ ക്രിക്കറ്റിനെ പിന്നോട്ട് നയിക്കുന്ന ചെയ‍ർമാനാണ് സേതിയെന്ന് പോലും അക‍്‍ത‍ർ പറഞ്ഞിട്ടുണ്ട്. എന്നാൽ ഇരുവരും തമ്മിലുള്ള അഭിപ്രായ വ്യത്യാസങ്ങൾ മാറിയെന്നാണ് അക‍്‍ത‍റിൻെറ പുതിയ നിയമനം വിലയിരുത്തപ്പെടുന്നത്.

സേതി ട്വിറ്ററിലൂടെയാണ് ഇക്കാര്യം പ്രഖ്യാപിച്ചത്. പാക് ക്രിക്കറ്റ് ബോ‍ർഡിൻെറ ഭാഗമായി പ്രവർത്തിക്കുന്നതിൽ അഭിമാനമുണ്ടെന്ന് അക‍്‍ത‍ർ പറഞ്ഞു.