​ശ്രേയസ് അയ്യർ ഏകദിന ക്രിക്കറ്റിൽ ആദ്യ മത്സരത്തിനിറങ്ങി

ധരംശാല: പാതി മലയാളിയായ ക്രിക്കറ്റർ ശ്രേയസ് അയ്യർ ഏകദിന ക്രിക്കറ്റിൽ ആദ്യ മത്സരത്തിനിറങ്ങി. ധരംശാലയിൽ ശ്രീലങ്കക്കെതിരെയായിരുന്നു താരത്തിൻെറ അരങ്ങേറ്റം. മഹേന്ദ്ര സിങ് ധോണിയാണ് ശ്രേയസിന് ഏകദിന ക്യാപ് കൈമാറിയത്.

നേരത്തെ ടി20 മത്സരത്തിൽ അദ്ദേഹം ഇന്ത്യക്കായി ഇറങ്ങിയിട്ടുണ്ട്. മത്സരത്തിൽ മൂന്നാമനായി ബാറ്റിങിന് ഇറങ്ങിയ ശ്രേയസിന് ലഭിച്ച അവസരം മുതലാക്കാനായില്ല. 27 പന്തിൽ നിന്ന് 9 റൺസ് നേടിയ അദ്ദേഹം എൻ.പ്രദീപിൻെറ പന്തിൽ പുറത്താവുകയായിരുന്നു.

ഇന്ത്യ എ ടീമിന് വേണ്ടി നടത്തിയ മികച്ച ബാറ്റിങ് പ്രകടനമാണ് ശ്രേയസിന് ഇന്ത്യയുടെ ദേശീയടീമിലേക്ക് വഴി തുറന്നത്.