Ind A vs Sa A 1st Test: ദക്ഷിണാഫ്രിക്ക എക്കെതിരായ ആദ്യ ടെസ്റ്റിൽ ഇന്ത്യ എക്ക് ഏഴ് വിക്കറ്റ് ജയം

ന്യൂഡൽഹി: ദക്ഷിണാഫ്രിക്ക എക്കെതിരായ ഒന്നാം ക്രിക്കറ്റ് ടെസ്റ്റിൽ ഇന്ത്യ എക്ക് ഏഴ് വിക്കറ്റിൻെറ തകർപ്പൻ വിജയം. മത്സരത്തിൻെറ ഒന്നാം ഇന്നിങ്സിൽ ദക്ഷിണാഫ്രിക്ക 164 റൺസിന് എല്ലാവരും പുറത്തായിരുന്നു. രണ്ടാം ഇന്നിങ്സിൽ അവർ 186 റൺസിനും എല്ലാവരും പുറത്തായി. ഒന്നാം ഇന്നിങ്സിൽ 303 റൺസെടുത്ത ഇന്ത്യ രണ്ടാം ഇന്നിങ്സിൽ മൂന്ന് വിക്കറ്റ് നഷ്ടത്തിൽ 49 റൺസെടുത്ത് ലക്ഷ്യം മറികടന്നു. ജലജ് സക്സേനയാണ് മാൻ ഓഫ് ദി മാച്ച്.


ഒന്നാം ഇന്നിങ്സിൽ ഇന്ത്യക്കായി ശാർദൂൽ താക്കൂറും കെ ഗൗതമും മൂന്ന് വിക്കറ്റുകൾ വീതം വീഴ്ത്തി. ക്യാപ്റ്റൻ ശുഭ‍്‍മാൻ ഗിൽ തന്നെയാണ് ബാറ്റിങിൽ ടീമിനെ മുന്നിൽ നിന്ന് നയിച്ചത്. 90 റൺസാണ് അദ്ദേഹം ഒന്നാം ഇന്നിങ്സിൽ നേടിയത്. ജലജ് സക്സേന 61 റൺസുമായി പുറത്താവാതെ നിന്നു.

Read More: ഇന്ത്യ ടെസ്റ്റ് ടീം പ്രഖ്യാപനം ഇന്ന്: സൂപ്പർ താരം പുറത്തേക്ക്? പുതുമുഖതാരം ഓപ്പണറായേക്കും

48 റൺസെടുത്ത ഹെൻറിക്ക് ക്ലാസനാണ് രണ്ടാം ഇന്നിങ്സിൽ ദക്ഷിണാഫ്രിക്ക എയുടെ ടോപ് സ്കോറർ. നദീം മൂന്ന് വിക്കറ്റും ശാർദൂൽ, ജലജ് സക്സേന എന്നിവർ രണ്ട് വീതം വിക്കറ്റുകളും ഇന്ത്യക്കായി വീഴ്ത്തി.