സിംബാബ്വെയ്ക്കെതിരായ ഏകദിന പരമ്പരയിലെ മൂന്നാം മത്സരത്തില് മികച്ച പ്രകടനവുമായി ശുഭ്മാന് ഗില്. സമീപകാലത്തെ തന്റെ ഫോം തുടരുന്നതായി തെളിയിച്ച താരം അന്താരാഷ്ട്ര ക്രിക്കറ്റിലെ ആദ്യ സെഞ്ച്വറിയുമായി ടീമിനെ ചുമലിലേറ്റി. നേരത്തെ ചില ഇന്നിങ്സുകളില് സെഞ്ച്വറിക്കടുത്തെത്തി പുറത്തായെങ്കില് ഇക്കുറി സമ്മര്ദ്ദമില്ലാതെ ബാറ്റേന്തിയ താരം മികവുകാട്ടി. 97 പന്തില് 130 റണ്സെടുത്താണ് താരം പുറത്തായത്. 15 ഫോറുകളും ഒരു സിക്സറും അടങ്ങുന്നതായിരുന്നു ഇന്നിങ്സ്. ഗില്ലിന്റെ മികവില് ഇന്ത്യ 8 വിക്കറ്റ് നഷ്ടത്തില് 289 റണ്സ് നേടി. ടോസ് നേടി ആദ്യം ബാറ്റ് ചെയ്ത ഇന്ത്യയ്ക്കുവേണ്ടി ശിഖര് ധവാനും കെഎല് രാഹുലുമാണ് ഇന്നിങ്സ് ഓപ്പണ് ചെയ്തത്. ധവാന് 40 റണ്സെടുത്തും രാഹുല് 30 റണ്സെടുത്തും പുറത്തായെങ്കിലും മൂന്നാം നമ്പറില് ബാറ്റ് ചെയ്യാനിറങ്ങിയ താരം ഇഷാന് കിഷനെ കൂട്ടുപിടിച്ച് ഇന്നിങ്സ് മുന്നോട്ടുകൊണ്ടുപോയി. കിഷന് 61 പന്തില് 50 റണ്സെടുത്ത് പുറത്തായി. തൊട്ടു പിന്നാലെ വന്ന ദീപക് ഹൂഡ 1 റണ്സ് മാത്രമെടുത്തും പുറത്തായി.
also read: സഞ്ജുവിന് ലോകമെങ്ങും ആരാധകര്, എങ്ങിനെ സാധിക്കുന്നെന്ന് ചോദ്യം, മലയാളി ആയതിനാലെന്ന് മറുപടി
പതിവുപോലെ ആറാമനായി ഇറങ്ങിയ സഞ്ജു പൊടുന്നനെ സ്കോര് ഉയര്ത്താനാണ് ശ്രമിച്ചത്. ഒരറ്റത്ത് ഗില് കളിക്കുന്നതിനാല് വലിയ ഷോട്ടുകള്ക്ക് മുതിര്ന്ന കേരള ബാറ്റര് 13 പന്തില് 15 റണ്സെടുത്ത് പുറത്തായി. രണ്ട് പടുകൂറ്റന് സിക്സറുകള് ഉള്പ്പെടുന്നതായിരുന്നു സഞ്ജുവിന്റെ ഇന്നിങ്സ്. 46-ാം ഓവറിലാണ് സഞ്ജു പുറത്തായത്. പിന്നാലെയെത്തിയ അക്സര് പട്ടേല് ഒരു റണ്സ് മാത്രമെടുത്ത് പുറത്തായി.
അന്താരാഷ്ട്ര ക്രിക്കറ്റില് അരങ്ങേറി മൂന്നു വര്ഷത്തോളം കാത്തിരുന്നശേഷമാണ് ഗില് ഒരു സെഞ്ച്വറി നേടുന്നത്. തുടക്കത്തില് ക്രീസില് ഉറച്ചുനിന്നുകളിച്ച താരം 82 പന്തിലാണ് സെഞ്ച്വറി നേടിയത്. ഇഷാന് കിഷനൊപ്പം 140 റണ്സിന്റെ കൂട്ടുകെട്ടുമുണ്ടാക്കി. അന്താരാഷ്ട്ര ഏകദിന ക്രിക്കറ്റില് ഇതുവരെയായി 3 അര്ധശതകമാണ് താരത്തിനുണ്ടായിരുന്നത്. വെസ്റ്റിന്ഡീസിനെതിരെ അടുത്തിടെ 98 റണ്സെടുത്തിരുന്നു.
also read: ഏഷ്യാ കപ്പ്, മലിംഗയെ കടത്തിവെട്ടി എക്കാലത്തേയും മികച്ച ബൗളറാകാന് ജഡേജയ്ക്ക് സുവര്ണാവസരം
ടെസ്റ്റില് താരത്തിന് ഇതുവരെയായി സെഞ്ച്വറി നേടാന് സാധിച്ചിട്ടില്ല. 2020ല് ഓസ്ട്രേലിയയ്ക്കെതിരെ ബോക്സിങ് ഡേ ടെസ്റ്റിലൂടെയായിരുന്നു അരങ്ങേറ്റം. 11 ടെസ്റ്റുകളില് കളിച്ചപ്പോള് നാല് അര്ധശതകം നേടി. 91 ആണ് ഉയര്ന്ന സ്കോര്. ഗാബ്ബയില് ഇന്ത്യ ചരിത്രവിജയം നേടിയപ്പോള് നാലാം ഇന്നിങ്സിലായിരുന്നു ഈ പ്രകടനം.
also read: സഞ്ജുവിന് ലോകമെങ്ങും ആരാധകര്, എങ്ങിനെ സാധിക്കുന്നെന്ന് ചോദ്യം, മലയാളി ആയതിനാലെന്ന് മറുപടി
പതിവുപോലെ ആറാമനായി ഇറങ്ങിയ സഞ്ജു പൊടുന്നനെ സ്കോര് ഉയര്ത്താനാണ് ശ്രമിച്ചത്. ഒരറ്റത്ത് ഗില് കളിക്കുന്നതിനാല് വലിയ ഷോട്ടുകള്ക്ക് മുതിര്ന്ന കേരള ബാറ്റര് 13 പന്തില് 15 റണ്സെടുത്ത് പുറത്തായി. രണ്ട് പടുകൂറ്റന് സിക്സറുകള് ഉള്പ്പെടുന്നതായിരുന്നു സഞ്ജുവിന്റെ ഇന്നിങ്സ്. 46-ാം ഓവറിലാണ് സഞ്ജു പുറത്തായത്. പിന്നാലെയെത്തിയ അക്സര് പട്ടേല് ഒരു റണ്സ് മാത്രമെടുത്ത് പുറത്തായി.
അന്താരാഷ്ട്ര ക്രിക്കറ്റില് അരങ്ങേറി മൂന്നു വര്ഷത്തോളം കാത്തിരുന്നശേഷമാണ് ഗില് ഒരു സെഞ്ച്വറി നേടുന്നത്. തുടക്കത്തില് ക്രീസില് ഉറച്ചുനിന്നുകളിച്ച താരം 82 പന്തിലാണ് സെഞ്ച്വറി നേടിയത്. ഇഷാന് കിഷനൊപ്പം 140 റണ്സിന്റെ കൂട്ടുകെട്ടുമുണ്ടാക്കി. അന്താരാഷ്ട്ര ഏകദിന ക്രിക്കറ്റില് ഇതുവരെയായി 3 അര്ധശതകമാണ് താരത്തിനുണ്ടായിരുന്നത്. വെസ്റ്റിന്ഡീസിനെതിരെ അടുത്തിടെ 98 റണ്സെടുത്തിരുന്നു.
also read: ഏഷ്യാ കപ്പ്, മലിംഗയെ കടത്തിവെട്ടി എക്കാലത്തേയും മികച്ച ബൗളറാകാന് ജഡേജയ്ക്ക് സുവര്ണാവസരം
ടെസ്റ്റില് താരത്തിന് ഇതുവരെയായി സെഞ്ച്വറി നേടാന് സാധിച്ചിട്ടില്ല. 2020ല് ഓസ്ട്രേലിയയ്ക്കെതിരെ ബോക്സിങ് ഡേ ടെസ്റ്റിലൂടെയായിരുന്നു അരങ്ങേറ്റം. 11 ടെസ്റ്റുകളില് കളിച്ചപ്പോള് നാല് അര്ധശതകം നേടി. 91 ആണ് ഉയര്ന്ന സ്കോര്. ഗാബ്ബയില് ഇന്ത്യ ചരിത്രവിജയം നേടിയപ്പോള് നാലാം ഇന്നിങ്സിലായിരുന്നു ഈ പ്രകടനം.