അണ്ടർ 19 ലോകകപ്പ്: ഗില്ലിനെ കാത്തിരിക്കുന്നത് അപൂർവ്വ റെക്കോർഡ്

ക്രൈസ്റ്റ് ചർച്ച്: ലോക ക്രിക്കറ്റിലെ ഇതിഹാസ താരങ്ങളായ സാക്ഷാൽ ഡോൺ ബ്രാഡ്‍മാനും സച്ചിൻ ടെണ്ടുൽക്ക‍ർക്കും സാധിക്കാത്ത റെക്കോ‍ർഡ് സ്വന്തമാക്കാൻ ഇന്ത്യൻ കൗമാരതാരം ശുഭ്‍മാൻ ഗിൽ. അണ്ടർ 19 ലോകകപ്പിൽ പൂജ്യത്തിന് പുറത്തായാൽ പോലും 100ലധികമായിരിക്കും താരത്തിൻെറ ശരാശരി.

നിലവിൽ 170.50 ശരാശരിയില്‍ 341 റണ്‍സാണ് ഗിൽ അടിച്ച് കൂട്ടിയിട്ടുള്ളത്. ടൂ‍ർണമെൻറിൽ ഏറ്റവും കൂടുതൽ റൺസ് നേടിയിട്ടുള്ള രണ്ടാമത്തെ താരമാണ് അദ്ദേഹം. കൗമാര ക്രിക്കറ്റിൽ 14 ഇന്നിങ്സുകളിൽ നിന്നായി 1118 റൺസാണ് ഗിൽ നേടിയിട്ടുള്ളത്. 103.23 ആണ് അദ്ദേഹത്തിൻെറ ശരാശരി.

നാളെ ഓസ്ടേലിയക്കെതിരെ നടക്കുന്ന ഫൈനലിൽ റൺസൊന്നുമെടുക്കാതെ പുറത്തായാൽ പോലും ഗില്ലിന് 100 റൺസിലധികം ശരാശരി നിലനി‍ർത്തി അപൂ‍ർവ്വ റെക്കോ‍ർഡ് സ്വന്തമാക്കാനാവും.