വനിതാ ടി20യിൽ ഇന്ത്യയുടെ സ‍്‍മൃതി മന്ദാനക്ക് അതിവേഗ ഫിഫ‍്‍ടി

ന്യൂഡൽഹി: ലോക വനിതാ ടി20 ക്രിക്കറ്റിൽ ഏറ്റവും വേഗത്തിൽ അർധശതകം നേടുന്ന താരമെന്ന റെക്കോർഡിന് ഒപ്പമെത്തി ഇന്ത്യയുടെ സ‍്‍മൃതി മന്ദാന. കെഎെഎ സൂപ്പർ ലീഗിൽ വെസ്റ്റ് സ്റ്റോമിനായി ഇറങ്ങിയ മന്ദാന 18 പന്തിൽ നിന്നാണ് അർധശതകം നേടിയത്.

ന്യൂസിലൻറിൻെറ സോഫീ ഡിവൈനും നേരത്തെ 18 പന്തിൽ നിന്ന് അർധശതകം നേടിയിട്ടുണ്ട്. ഇന്ത്യക്കെതിരെ 2015ൽ ആയിരുന്നു അവർ റെക്കോർഡ് സ്ഥാപിച്ചത്.

ഇംഗ്ലണ്ടിൻെറ വനിതാ ടി20 ലീഗിൽ ലോഫ‍്‍ബറോ ലൈറ്റ‍്‍നിങിന് എതിരെയായിരുന്നു മന്ദാനയുടെ വെടിക്കെട്ട് ബാറ്റിങ് പ്രകടനം. 19 പന്തിൽ നിന്ന് 52 റൺസെടുത്ത് താരം പുറത്താവാതെ നിന്നു.