സെഞ്ചൂറിയൻ ടെസ്റ്റ്: ദക്ഷിണാഫ്രിക്ക 335ന് പുറത്ത്

സെഞ്ചൂറിയൻ: ഇന്ത്യക്കെതിരായ രണ്ടാം ക്രിക്കറ്റ് ടെസ്റ്റിൽ ആദ്യം ബാറ്റ് ചെയ്ത ദക്ഷിണാഫ്രിക്ക ഒന്നാം ഇന്നിങ്സിൽ 335 റൺസിന് എല്ലാവരും പുറത്തായി. ഒന്നാം ദിനം ആറിന് 269 എന്ന നിലയിലാണ് ആതിഥേയർ കളി അവസാനിപ്പിച്ചത്.

ഇന്ത്യക്ക് വേണ്ടി സ്പിന്നർ ആർ.അശ്വിൻ നാല് വിക്കറ്റും ഇശാന്ത് ശർമ്മ മൂന്ന് വിക്കറ്റും നേടി. 94 റൺസ് നേടിയ എയ്ഡൻ മാർക്രം ആണ് ദക്ഷിണാഫ്രിക്കയുെട ടോപ് സ്കോറർ. ഹഷിം അംല (82) ക്യാപ്റ്റൻ ഡുപ്ലെസി (63) എന്നിവരും അർധസെഞ്ച്വറി നേടി.

ഒന്നാം ഇന്നിങ്സ് ബാറ്റിങ് ആരംഭിച്ച ഇന്ത്യ ലഞ്ചിന് പിരിയുമ്പോൾ വിക്കറ്റൊന്നും നഷ്ടപ്പെടാതെ നാല് റൺസെടുത്തിട്ടുണ്ട്.