​ഇന്ത്യക്കെതിരെ ദക്ഷിണാഫ്രിക്ക പതറുന്നു

സെഞ്ചൂറിയൻ: ഇന്ത്യക്കെതിരായ പരമ്പരയിലെ അവസാന ഏകദിന മത്സരത്തിൽ ആദ്യം ബാറ്റ് ചെയ്യുന്ന ദക്ഷിണാഫ്രിക്ക പതറുന്നു. അടുത്തടുത്ത ഇടവേളകളിൽ വിക്കറ്റുകൾ വീഴ്ത്തി കൊണ്ട് ഇന്ത്യൻ ബൗളർമാർ ദക്ഷിണാഫ്രിക്കയെ സമ്മർദ്ദത്തിലാക്കുകയാണ്.

നിലവിൽ ആതിഥേയർ 7 വിക്കറ്റ് നഷ്ടത്തിൽ 151 റൺസെടുത്തിട്ടുണ്ട്. ഭുവനേശ്വ‍ർ കുമാറിന് പകരം ഇറങ്ങിയ ശാ‍ർദുൽ താക്കൂ‍ർ ആണ് ഓപ്പണ‍ർമാരെ മടക്കി അയച്ചത്. ആകെ മൂന്ന് വിക്കറ്റുകൾ താക്കൂ‍ർ പിഴുതു. ചാഹൽ രണ്ട് വിക്കറ്റെടുത്തു. ബുംറ, കുൽദീപ് എന്നിവർ ഓരോ വിക്കറ്റും വീഴ്ത്തി.

ദക്ഷിണാഫ്രിക്കൻ നിരയിൽ കായ സോണ്ടോ അ‍ർധശതകം നേടി. ഡീവില്ലിയേഴ‍്‍സ്, മാ‍ർക്രം, അംല എന്നിങ്ങനെ മുൻനിര ബാറ്റ്സ്മാൻമാരെല്ലാം പുറത്തായി.