ദാംബുള്ള ഏകദിനം: ശ്രീലങ്ക 43.2 ഓവറിൽ 216ന് ഓള്‍ ഔട്ട്

ദാംബുള്ള: ഇന്ത്യയ്‍ക്കെതിരായ ആദ്യ ഏകദിന മത്സരത്തില്‍ ശ്രീലങ്ക 216 റണ്‍സിന് ഓള്‍ ഔട്ടായി. മികച്ച തുടക്കം ലഭിച്ച ശ്രീലങ്കയെ ഇന്ത്യന്‍ സ്‍പിന്നര്‍മാര്‍ 43.2 ഓവറില്‍ പിടിച്ചുകെട്ടുകയായിരുന്നു.

74 പന്തില്‍ 64 റണ്‍സ് നേടിയ ഓപ്പണര്‍ ഡിക്ക്വെല്ലയാണ് ശ്രീലങ്കയുടെ ടോപ് സ്കോറര്‍. ഗുണതിലക 35, മെന്‍ഡിസ് 36, മാത്യൂസ് 36 എന്നിവരും ഭേദപ്പെട്ട പ്രകടനം നടത്തിയെങ്കിലും കൃത്യമായ ഇടവേളകളില്‍ വിക്കറ്റ് വീഴ്‍ത്തി ഇന്ത്യന്‍ സ്‍പിന്നര്‍മാര്‍ പിടിമുറുക്കി. ശ്രീലങ്കന്‍ നിരയിലെ ആറു പേര്‍ രണ്ടക്കം കടക്കാതെ പുറത്തായി. ഇന്ത്യയ്‍ക്കുവേണ്ടി അക്ഷര്‍ പട്ടേല്‍ മൂന്ന് വിക്കറ്റ് നേടി. ബൂംറ, ചഹല്‍, കേദാര്‍ ജാദവ് എന്നിവര്‍ രണ്ട് വിക്കറ്റ് വീതം വീഴ്‍ത്തി. നേരത്തേ ടോസ് നേടിയ ഇന്ത്യ ശ്രീലങ്കയെ ബാറ്റിങ്ങിനയയ്‍ക്കുകയായിരുന്നു.

അഞ്ച് ഏകദിന മത്സരങ്ങളും ഒരു ട്വന്‍റി ട്വന്‍റിയുമാണ് പരമ്പരയില്‍ ഉള്ളത്. അടുത്തിടെ അവസാനിച്ച മൂന്ന് മത്സരങ്ങളടങ്ങിയ ടെസ്റ്റ് പരമ്പര ഇന്ത്യ തൂത്തുവാരിയിരുന്നു.

Spinners Shine As India Bowl Out Sri Lanka For 216

Indian bowled our Sri Lanka for 216 in 43.2 overs in Dambull one day match.