ശ്രീലങ്കന്‍ ബാറ്റ്സ്മാന്‍ തിലകരത്നെ ദില്‍ഷന്‍ വിരമിക്കുന്നു

കൊളംബോ: ശ്രീലങ്കന്‍ മുന്‍ ക്യാപ്റ്റന്‍ തിലകരത്‌നെ ദില്‍ഷന്‍ ഏകദിന ട്വന്റി20 മത്സരങ്ങളില്‍ നിന്നും വിരമിക്കുന്നു. ഓസ്ട്രേലിയയ്ക്കെതിരായ പരമ്പരയിലെ ഞായറാഴ്ചത്തെ മല്‍സരം ദില്‍ഷന്റെ അവസാന രാജ്യാന്തര ഏകദിനമായിരിക്കും.

ഓസ്‌ട്രേലിയയ്‌ക്കെതിരായ പരമ്പരയോടെയാണ് 17 വര്‍ഷം നീണ്ട കരിയറിന് ദില്‍ഷന്‍ വിരാമമിടുന്നത്. 2013ല്‍ ദില്‍ഷന്‍ ടെസ്റ്റ് ക്രിക്കറ്റില്‍ നിന്നും വിരമിച്ചിരുന്നു. മികച്ച ഫോമിലായിരുന്ന ദില്‍ഷന്‍ ശ്രീലങ്കന്‍ സെലക്ടര്‍മാരുടെ സമ്മര്‍ദം കാരണമാണ് പെട്ടെന്ന് വിരമിക്കാന്‍ തീരുമാനിച്ചതെന്നാണ് സൂചന. ശ്രീലങ്കക്കായി 87 ടെസ്റ്റുകളും 329 ഏകദിനങ്ങളും 78 ട്വന്റി20 മത്സരങ്ങളും ദില്‍ഷന്‍ കളിച്ചിട്ടുണ്ട്.