ഒരോവറിൽ ഏഴ് സിക്സ്: ക്രിക്കറ്റ് ചരിത്രത്തിൽ പുതിയ റെക്കോർഡ്

കൊളംബോ: ഒരോവറിൽ ഏഴ് സിക്സ് അടിച്ച് ലങ്കൻ ക്രിക്കറ്റ് താരം. ശ്രീലങ്കയിലെ പ്രാദേശിക ക്രിക്കറ്റിൽ 14 വയസ്സുകാരനായ നവീന്ദു പഹസരയാണ് ഏഴ് സിക്സ് അടിച്ചത്. ഇതിഹാസ താരം മുത്തയ്യ മുരളീധരനെ സാക്ഷി നിർത്തിയായിരുന്നു പഹസരയുടെ പ്രകടനം.

മുത്തയ്യ മുരളീധരൻ ഫൗണ്ടേഷൻ സംഘടിപ്പിച്ച 15 വയസ്സിന് താഴെയുള്ളവരുടെ ക്രിക്കറ്റ് ടൂ‍ർണമെൻറിലാണ് അപൂ‍ർവ്വ റെക്കോ‍ർഡ് പിറന്നത്. രെവാതെ കോളേജിന് വേണ്ടി ഇറങ്ങിയ പഹസര 87 പന്തിൽ 109 റൺസെടുത്തു.

എതി‍ർ ടീമിൻെറ ഒരോവറിൽ ഏഴ് സിക്സാണ് താരം അടിച്ചത്. ഒരു നോബോൾ കൂടി എറിഞ്ഞതോടെയാണ് പഹസര ഏഴ് സിക്സ് അടിച്ചത്. മത്സര ശേഷം മുരളീധരൻ പഹസരയെ അഭിന്ദിച്ചു.