വിശ്വസിക്കാനാവാതെ സുഹൃത്തുക്കൾ..
ഗാംഗുലിക്ക് ഹൃദയാഘാതമെന്ന വാർത്ത അദ്ദേഹത്തിൻെറ അടുത്ത സുഹൃത്തുക്കൾക്കൊന്നും പെട്ടെന്ന് വിശ്വസിക്കാവുന്നില്ല. താരത്തിൻെറ കുടുംബത്തിൽ പാരമ്പര്യമായി ഹൃദയസംബന്ധമായ അസുഖമുണ്ട്. എന്നാൽ ആരോഗ്യത്തിൽ വളരെ ശ്രദ്ധയുള്ള, കൃത്യമായി വ്യായാമം ചെയ്യുന്ന ഗാംഗുലിയെപ്പോലുള്ള ഫിറ്റായ ഒരു സ്പോർട്സ്മാൻെറ കാര്യത്തിൽ ഇങ്ങനെ സംഭവിക്കുമെന്ന് അവർ കരുതിയിതല്ല.
(PTI Photo)
ആരോഗ്യത്തിൽ ശ്രദ്ധയുള്ള ഗാംഗുലി
മുൻ ക്രിക്കറ്റ് താരവും പരിശീലകനും ഗാംഗുലിയുടെ അടുത്ത സുഹൃത്തുമായ സംബരൻ ബാനർജി ഉറപ്പിച്ച് പറയുന്നത് താരത്തിൻെറ ശാരീരിക ആരോഗ്യത്തിന് എളുപ്പമൊന്നും പ്രശ്നമുണ്ടാവില്ലെന്നാണ്. "സൗരവ് പുകവലിക്കുകയോ മദ്യപിക്കുകയോ ചെയ്യാത്ത ആളാണ്. ചെറുപ്പം മുതൽ തന്നെ ആരോഗ്യകാര്യത്തിൽ വളരെ ശ്രദ്ധ പുലർത്താറുമുണ്ട്. ഇതിന് പിന്നിലെ കാരണം മറ്റെന്തോ ആണ്," ബാനർജി ഇന്ത്യൻ എക്സ്പ്രസിനോട് പറഞ്ഞു.
രാഷ്ട്രീയത്തിലേക്കെന്ന് ഊഹാപോഹം
ബിസിസിഐ പ്രസിഡൻറായ ശേഷം വളരെ തിരക്ക് പിടിച്ചതാണ് ഗാംഗുലിയുടെ ജീവിതം. യുഎഇയിൽ ഐപിഎൽ മത്സരങ്ങളുടെ നടത്തിപ്പിന് അദ്ദേഹമാണ് ചുക്കാൻ പിടിച്ചത്. ബിസിസിഐയുടെ വാർഷികയോഗത്തിൽ നിർണായക തീരുമാനങ്ങളും അദ്ദേഹമെടുത്തു. എന്നാൽ അതിനിടെയാണ് ഗാംഗുലി രാഷ്ട്രീയത്തിലേക്കെന്ന് വാർത്തകൾ പരക്കുന്നത്. ബിജെപിയുടെ ബംഗാളിലെ മുഖ്യമന്ത്രി സ്ഥാനാർഥി വരെയാവും എന്ന് ഊഹാപോഹങ്ങൾ പ്രചരിച്ചു. എന്നാൽ വാർത്തകൾ ഗാംഗുലി തന്നെ നിഷേധിച്ചിരുന്നു.
(Photo/Sportzpics for BCCI)
Also Read: ഇന്ത്യ vs ഓസ്ട്രേലിയ: ടെസ്റ്റ് പരമ്പരയിൽ നിന്ന് കെഎൽ രാഹുലിനെ ഒഴിവാക്കി
സമ്മർദ്ദമാവാം കാരണം...
പലകോണിൽ നിന്നുള്ള സമ്മർദ്ദമാവാം ഗാംഗുലിക്ക് ആരോഗ്യപ്രശ്നങ്ങൾ ഉണ്ടായതിന് കാരണമെന്ന് അദ്ദേഹത്തിൻെറ സുഹൃത്തുക്കാളായ സംബാരൻ ബാനർജി, സൌരാരിഷ് ലാഹിരി, സുമിത് മുഖർജി എന്നിവർ വിശദീകരിക്കുന്നു. താനൊരിക്കലും രാഷ്ട്രീയത്തിൽ ചേരുകയില്ലെന്ന് ഗാംഗുലി പറഞ്ഞിട്ടുണ്ടെന്ന് ബാനർജി വ്യക്തമാക്കുകയും ചെയ്തു. രാഷ്ട്രീയത്തിൽ ചേരുന്നതുമായി ബന്ധപ്പെട്ട സമ്മർദ്ദങ്ങളായിരിക്കാം താരത്തിൻെറ ആരോഗ്യനില വഷളാക്കിയതെന്ന് സുമിത് മുഖർജി പറഞ്ഞു. ക്രിക്കറ്റ് ലോകം ഇന്നോളും കാണാത്ത പ്രതിസന്ധിയിലൂടെയാണ് കടന്നുപോയത്. അത്തരം സമ്മർദ്ദങ്ങളും ബാധിച്ചിരിക്കാമെന്ന് സുഹൃത്തുക്കൾ പറയുന്നു.