ന്യൂഡൽഹി: വരുന്ന ലോകകപ്പിനുള്ള ഇന്ത്യൻ ക്രിക്കറ്റ് ടീമിൽ ഇടം പിടിക്കാൻ തനിക്ക് സാധിക്കുമെന്ന് ഇപ്പോഴും പ്രതീക്ഷയുണ്ടെന്ന് ഇന്ത്യൻ ഓൾ റൗണ്ടർ സുരേഷ് റെയ്ന. ഇന്ത്യൻ പ്രീമിയർ ലീഗിനെ വളരെ പ്രതീക്ഷയോടെയാണ് കാണുന്നത്. ലീഗിൽ മികച്ച പ്രകടനം പുറത്തെടുത്താൽ ടീമിലെത്താൻ സാധിക്കുമെന്ന പ്രതീക്ഷയിലാണ് താരം. ടൈംസ് നൗവിന് നൽകിയ പ്രത്യേക അഭിമുഖത്തിലാണ് അദ്ദേഹം പ്രതീക്ഷകൾ പങ്കുവെച്ചത്.
രണ്ട് തവണ ലോകകപ്പ് ഉയർത്താൻ ആർക്കാണ് ആഗ്രഹമില്ലാത്തതെന്ന് റെയ്ന ചോദിച്ചു. 2011ൽ ലോകകപ്പ് നേടിയ ഇന്ത്യൻ ടീം അംഗമായിരുന്നു റെയ്ന. ലോകകപ്പിൽ മികച്ച പ്രകടനമാണ് അദ്ദേഹം കാഴ്ച വെച്ചത്. ഐപിഎല്ലിൽ മികച്ച റെക്കോർഡാണ് ചെന്നൈ സൂപ്പർ കിങ്സ് താരമായ റെയ്നക്കുള്ളത്.
4985 റൺസ് നേടിയിട്ടുള്ള റെയ്നയാണ് ഐപിഎല്ലിലെ ടോപ് റൺ സ്കോറർ. ഇന്ത്യൻ ടീമിൽ നിലവിൽ ബാറ്റിങ് ലൈനപ്പിൽ നാലാമനായി ഇറങ്ങാൻ ഏറ്റവും യോജ്യനായ താരം എംഎസ് ധോണിയാണെന്നും റെയ്ന അഭിമുഖത്തിൽ പറഞ്ഞു.
രണ്ട് തവണ ലോകകപ്പ് ഉയർത്താൻ ആർക്കാണ് ആഗ്രഹമില്ലാത്തതെന്ന് റെയ്ന ചോദിച്ചു. 2011ൽ ലോകകപ്പ് നേടിയ ഇന്ത്യൻ ടീം അംഗമായിരുന്നു റെയ്ന. ലോകകപ്പിൽ മികച്ച പ്രകടനമാണ് അദ്ദേഹം കാഴ്ച വെച്ചത്. ഐപിഎല്ലിൽ മികച്ച റെക്കോർഡാണ് ചെന്നൈ സൂപ്പർ കിങ്സ് താരമായ റെയ്നക്കുള്ളത്.
4985 റൺസ് നേടിയിട്ടുള്ള റെയ്നയാണ് ഐപിഎല്ലിലെ ടോപ് റൺ സ്കോറർ. ഇന്ത്യൻ ടീമിൽ നിലവിൽ ബാറ്റിങ് ലൈനപ്പിൽ നാലാമനായി ഇറങ്ങാൻ ഏറ്റവും യോജ്യനായ താരം എംഎസ് ധോണിയാണെന്നും റെയ്ന അഭിമുഖത്തിൽ പറഞ്ഞു.