ന്യൂഡല്ഹി: യുഎഇയില് ഒക്ടോബറില് ആരംഭിക്കാനിരിക്കുന്ന ടി20 ലോകകപ്പിനുള്ള ടീമിനെ പ്രഖ്യാപിച്ച് ന്യൂസിലന്ഡ്. പാകിസ്ഥാനും ബംഗ്ലാദേശിനും എതിരെ നടക്കാനിരിക്കുന്ന പരമ്പരയ്ക്ക് മുന്നോടിയായാണ് ലോകകപ്പിനുള്ള 16 അംഗ ടീമിനേയും പ്രഖ്യാപിച്ചിത്. ഇതോടെ ലോകകപ്പിനുള്ള ടീമിനെ പ്രഖ്യാപിക്കുന്ന ആദ്യ രാജ്യം കൂടിയായി ന്യൂസിലന്ഡ്. ഏകദിന ലോകകപ്പില് ഇംഗ്ലണ്ടിനോട് തോറ്റ ന്യൂസിലന്ഡ് ടെസ്റ്റ് ലോക ചാമ്പ്യന്ഷിപ്പില് ജേതാക്കളായ ശേഷമാണ് ലോകകപ്പിന് ഒരുങ്ങുന്നത്.
ബംഗ്ലാദേശിലും പാകിസ്താനിലുമായി നടക്കുന്ന പരമ്പരയിലേക്കായി 32 അംഗ ടീമിനേയാണ് പ്രഖ്യാപിച്ചിരിക്കുന്നത്. ഇന്ത്യയില് നവംബര്, ഡിസംബര് മാസങ്ങളിലായി നടക്കാനിരിക്കുന്ന ടെസ്റ്റ് പരമ്പരയ്ക്ക് കൂടുതല് പ്രാധാന്യം നല്കുന്നതായി ന്യൂസിലന്ഡ് ബോര്ഡ് അറിയിച്ചിട്ടുണ്ട്. അതേസമയം, ഐപിഎല്ലില് കളിക്കുന്ന കളിക്കാര്ക്ക് സപ്തംബറില് യുഎഇയില് എത്താന് കഴിയും. ലോകകപ്പ് യുഎഇയില് നടക്കുന്നതിനാല് ഐപിഎല് താരങ്ങള്ക്ക് കളിപരിചയം നേട്ടമാകുമെന്നാണ് വിലയിരുത്തല്.
വരാനിരിക്കുന്ന മാസങ്ങളില് ന്യൂസിലന്ഡ് ക്രിക്കറ്റ് ടീമിന് തിരക്കുള്ളതാണ്. സപ്തംബര് ആദ്യം ബംഗ്ലാദേശില് ടീം 5 ടി20യും 3 ഏകദിന മത്സരങ്ങളും കളിക്കുന്നുണ്ട്. തൊട്ടുപിന്നാലെ പാകിസ്താനില് 5 ടി20യും 3 ഏകദിനങ്ങളും കളിക്കും. സപ്തംബര് 17 മുതല് ഒക്ടോബര് 3 വരെയാണ് ഈ പരമ്പര. ടോം ലതാമിന്റെ നേതൃത്വത്തിലുള്ള യുവ സംഘമാണ് ഈ പരമ്പരകളില് കളിക്കുക.
ലോകകപ്പിനുള്ള ന്യൂസിലന്ഡ് ടീം: കെയ്ന് വില്യംസ്ണ്, ടോഡ് ആസില്, ട്രെന്റ് ബോള്ട്ട്, മാര്ക്ക് ചാപ്മാന്, ഡെവോണ് കോണ്വെ, ലോക്കി ഫെര്ഗൂസന്, മാര്ട്ടിന് ഗുപ്റ്റില്, കെയ്ല് ജാമിസണ്, ഡാരില് മിച്ചെല്, ജിമ്മി നീഷാം, ഗ്ലെന് ഫിലി്സ്, മിച്ചല് സാന്റ്നര്, ടിം സെയ്ഫേര്ട്ട്, ഇഷ് സോധി, ടിം സൗത്തി, ആദ്ം മില്നെ.