ക്രിക്കറ്റിലെ 'ദാദയും', 'ദീവാറും' അവതരിച്ച ദിവസം

ഇന്ത്യന്‍ ക്രിക്കറ്റിലെ രണ്ട് താരോദയങ്ങള്‍ക്ക് ഇംഗ്ലണ്ടിലെ ലോര്‍ഡ്‍സ്‍ വേദിയായത് 21 വര്‍ഷം മുന്‍പ് ഇതേ ദിവസം. ടെസ്റ്റില്‍ സെഞ്ചുറിയടിച്ച് സൗരവ് ഗാംഗുലിയും സെഞ്ചുറിക്കടുത്തെത്തി രാഹുല്‍ ദ്രാവിഡും അരങ്ങേറിയത് ഈ ടെസ്റ്റിലാണ്.

ആദ്യ ടെസ്റ്റിലെ ഒന്നാം ഇന്നിങ്‍സില്‍ സൗരവ് ഗാംഗുലി നേടിയത് 131 റണ്‍സ്. ആറാമനായി ഇറങ്ങിയ ദ്രാവിഡ് 95 റണ്‍സ് സ്കോര്‍ ചെയ്‍തു. 1996 ജൂണ്‍ 20ന് നടന്ന ടെസ്റ്റിന് ശേഷം ഇരുവരും ഇന്ത്യന്‍ ക്രിക്കറ്റ് ടീമിന്‍റെ അവിഭാജ്യ ഘടകമായി.

ഒത്തുകളി വിവാദം 2000-ത്തില്‍ ഇന്ത്യന്‍ ക്രിക്കറ്റിനെ ഉലച്ചപ്പോഴും ആരാധകരുടെ വിശ്വാസം കാത്ത് സൂക്ഷിക്കാന്‍ ഗാംഗുലിക്കും ദ്രാവിഡിനും കഴിഞ്ഞു. ഇന്ത്യന്‍ ക്രിക്കറ്റ് ടീമിന് വിദേശത്തും മികച്ച വിജയങ്ങള്‍ സമ്മാനിച്ച കൂട്ടുകെട്ടായി 'ദാദയും-മതിലും' മാറി. അന്താരാഷ്ട്ര ക്രിക്കറ്റില്‍ 40,000 റൺസോളം കൂട്ടിച്ചേര്‍ത്താണ് ഇരുവരും കളി മതിയാക്കിയത്.

Test Debut of Sourav Ganguly and Rahul Dravid

On this day in 1996, two of India's batting stalwarts - Sourav Ganguly and Rahul Dravid - took their first steps in Test cricket.