രോഹിതിനെ എന്തിന് ഒഴിവാക്കി; വിമർശനവുമായി ഹർഭജൻ

ന്യൂഡൽഹി: വെസ്റ്റ് ഇൻഡീസിനെതിരായ ക്രിക്കറ്റ് ടെസ്റ്റിനുള്ള ടീമിൽ നിന്ന് രോഹിത് ശർമ്മയെ ഒഴിവാക്കിയതിനെതിരെ ഹർഭജൻ സിങ്. ഏഷ്യാ കപ്പിൽ കോഹ‍്‍ലിയുടെ അഭാവത്തിൽ ഇന്ത്യക്ക് മികച്ച വിജയം സമ്മാനിച്ച നായകനാണ് രോഹിത് ശർമ്മ. മികച്ച ബാറ്റിങ് ഫോമും പരമ്പരയിൽ അദ്ദേഹം നില നിർത്തിയിരുന്നു.

രോഹിതിനെ സെലക്ടർമാർ ഒഴിവാക്കിയതിൻെറ യുക്തി തനിക്ക് മനസ്സിലാവുന്നില്ലെന്ന് ഹർഭജൻ പറഞ്ഞു. ഏഷ്യാകപ്പിൽ ഏറ്റവും കൂടുതൽ റൺസ് നേടിയ രണ്ടാമത്തെ താരമായിരുന്നു രോഹിത് ശർമ്മ. ട്വിറ്ററിലൂടെയാണ് ഹർഭജൻ ടീം സെലക്ഷനെ വിമർശിച്ചത്. ഫോമിലുള്ള ഓപ്പണർ ശിഖർ ധവാനെയും ടെസ്റ്റ് ടീമിൽ ഉൾപ്പെടുത്തിയിട്ടില്ല.