ന്യൂഡൽഹി: 2019 ലോകകപ്പ് ക്രിക്കറ്റിൽ സെമിഫൈനലിൽ പുറത്താവും മുമ്പ് ഇന്ത്യക്കേറ്റ ഏറ്റവും വലിയ തിരിച്ചടിയായിരുന്നു ശിഖർ ധവാൻെറ പരിക്ക്. ഓസ്ട്രേലിയക്കെതിരെ സെഞ്ച്വറി നേടി മാൻ ഓഫ് ദി മാച്ച് പുരസ്കാരവും സ്വന്തമാക്കിയതിന് ശേഷമായിരുന്നു താരം പരിക്കേറ്റ് മടങ്ങിയത്. തള്ളവിരലിനേറ്റ പരിക്കാണ് ധവാനെ വെട്ടിലാക്കിയത്.
പരിക്ക് കാരണം ധവാന് ലോകകപ്പ് തന്നെ നഷ്ടമായി. ഇന്ത്യൻ ക്രിക്കറ്റ് ടീമിൻെറ താളം നഷ്ടപ്പെട്ടതും ധവാൻെറ പിൻമാറ്റത്തോടെയായിരുന്നു. ധവാൻ മാറിയതോടെ ബാറ്റിങ് ഓർഡറിൽ പരീക്ഷണങ്ങൾ തുടങ്ങി. പലതും പരാജയമായതോടെ സെമിയിൽ തോറ്റ് ഇന്ത്യ മടങ്ങുകയും ചെയ്തു.
ഏകദിന ടീമിൻെറ ഉപനായതൻ രോഹിത് ശർമയെ പോലെ തന്നെ ധവാനും ടെസ്റ് ടീമിൽ ഇടം ലഭിക്കാറില്ല. രോഹിതിന് പ്ലേയിങ് ഇലവനിൽ ഇടം പിടിക്കാനാണ് പ്രയാസമെങ്കിൽ ധവാനെ സെലക്ടർമാർ ഈയടുത്തായി ടെസ്റ്റിലേക്ക് പരിഗണിക്കാറേയില്ല. ലോകകപ്പിന് ശേഷം വെസ്റ്റ് ഇൻഡീസ് പര്യടനത്തിൽ ധവാൻ കളിച്ചിരുന്നു. എന്നാൽ അവിടെയും പ്രതീക്ഷക്കൊത്ത പ്രകടനം ഉണ്ടായില്ല.
ഇതിനിടെ കഴിഞ്ഞ ദിവസം കാര്യവട്ടത്ത് ദക്ഷിണാഫ്രിക്ക എക്കെതിരായ മത്സരത്തിൽ ഇന്ത്യ എക്ക് വേണ്ടി ധവാൻ കളിച്ചിരുന്നു. അർധശതകം നേടി മികച്ച പ്രകടനമാണ് അദ്ദേഹം പുറത്തെടുത്തത്. ടെസ്റ്റിൽ പരിഗണിക്കപ്പെടാത്തതിൽ തനിക്ക് വിഷമമില്ലെന്ന് ധവാൻ ടൈസം ഓഫ് ഇന്ത്യക്ക് നൽകിയ അഭിമുഖത്തിൽ പറഞ്ഞു.
2020ൽ ഓസ്ട്രേലിയയിൽ നടക്കാൻ പോവുന്ന ട്വൻറി20 ലോകകപ്പാണ് താൻ ഇനി ലക്ഷ്യം വെക്കുന്നതെന്നും അദ്ദേഹം പറഞ്ഞു. "ഞാൻ ട്വൻറി20 ലോകകപ്പിനെ ഏറെ പ്രതീക്ഷയോടെയാണ് കാണുന്നത്. സ്ഥിരതയോടെ കളിച്ച് ടീമിന് വേണ്ടി നന്നായി റൺസ് സ്കോർ ചെയ്യണമെന്നാണ് ലക്ഷ്യം വെക്കുന്നത്," ധവാൻ പറഞ്ഞു.
പരിക്ക് കാരണം ധവാന് ലോകകപ്പ് തന്നെ നഷ്ടമായി. ഇന്ത്യൻ ക്രിക്കറ്റ് ടീമിൻെറ താളം നഷ്ടപ്പെട്ടതും ധവാൻെറ പിൻമാറ്റത്തോടെയായിരുന്നു. ധവാൻ മാറിയതോടെ ബാറ്റിങ് ഓർഡറിൽ പരീക്ഷണങ്ങൾ തുടങ്ങി. പലതും പരാജയമായതോടെ സെമിയിൽ തോറ്റ് ഇന്ത്യ മടങ്ങുകയും ചെയ്തു.
ഏകദിന ടീമിൻെറ ഉപനായതൻ രോഹിത് ശർമയെ പോലെ തന്നെ ധവാനും ടെസ്റ് ടീമിൽ ഇടം ലഭിക്കാറില്ല. രോഹിതിന് പ്ലേയിങ് ഇലവനിൽ ഇടം പിടിക്കാനാണ് പ്രയാസമെങ്കിൽ ധവാനെ സെലക്ടർമാർ ഈയടുത്തായി ടെസ്റ്റിലേക്ക് പരിഗണിക്കാറേയില്ല. ലോകകപ്പിന് ശേഷം വെസ്റ്റ് ഇൻഡീസ് പര്യടനത്തിൽ ധവാൻ കളിച്ചിരുന്നു. എന്നാൽ അവിടെയും പ്രതീക്ഷക്കൊത്ത പ്രകടനം ഉണ്ടായില്ല.
ഇതിനിടെ കഴിഞ്ഞ ദിവസം കാര്യവട്ടത്ത് ദക്ഷിണാഫ്രിക്ക എക്കെതിരായ മത്സരത്തിൽ ഇന്ത്യ എക്ക് വേണ്ടി ധവാൻ കളിച്ചിരുന്നു. അർധശതകം നേടി മികച്ച പ്രകടനമാണ് അദ്ദേഹം പുറത്തെടുത്തത്. ടെസ്റ്റിൽ പരിഗണിക്കപ്പെടാത്തതിൽ തനിക്ക് വിഷമമില്ലെന്ന് ധവാൻ ടൈസം ഓഫ് ഇന്ത്യക്ക് നൽകിയ അഭിമുഖത്തിൽ പറഞ്ഞു.
2020ൽ ഓസ്ട്രേലിയയിൽ നടക്കാൻ പോവുന്ന ട്വൻറി20 ലോകകപ്പാണ് താൻ ഇനി ലക്ഷ്യം വെക്കുന്നതെന്നും അദ്ദേഹം പറഞ്ഞു. "ഞാൻ ട്വൻറി20 ലോകകപ്പിനെ ഏറെ പ്രതീക്ഷയോടെയാണ് കാണുന്നത്. സ്ഥിരതയോടെ കളിച്ച് ടീമിന് വേണ്ടി നന്നായി റൺസ് സ്കോർ ചെയ്യണമെന്നാണ് ലക്ഷ്യം വെക്കുന്നത്," ധവാൻ പറഞ്ഞു.