ടി20 ലോകകപ്പിനായുള്ള (T20 World Cup 2022) ഇന്ത്യന് (India) ടീമിന്റെ ഒരുക്കം പുരോഗമിക്കുകയാണ്. ഓസ്ട്രേലിയയ്ക്കെതിരെ 2-1 ന് ജയിച്ചെങ്കിലും മൂന്ന് മത്സരങ്ങളുടെ പരമ്പരയില് ടീം ഇന്ത്യയുടെ പല ദൗര്ബല്യങ്ങളും വെളിവായി. ബൗളിങ്ങിലാണ് ഇന്ത്യയ്ക്ക് പ്രധാനമായും വീഴ്ച സംഭവിച്ചത്. ഓസ്ട്രേലിയയ്ക്കെതിരായ ടീമിന്റെ പ്രകടനം വിലയിരുത്തുകയാണെങ്കില് ടി20 ലോകകപ്പ് ടീമില് തെറ്റായി തിരഞ്ഞെടുത്ത മൂന്ന് കളിക്കാരുണ്ട്. പരിക്കുമൂലം ദക്ഷിണാഫ്രിക്കയ്ക്കെതിരായ പരമ്പര നഷ്ടമായ ദീപക് ഹൂഡ (Deepak Hooda) ലോകകപ്പ് ടീമിലെ കളിക്കാരനാണ്. അന്താരാഷ്ട്ര ക്രിക്കറ്റില് പരിചയം കുറവുള്ള ഹൂഡ ചില മത്സരങ്ങളിലെ വലിയ ഇന്നിങ്സിന്റെ പേരിലാണ് ടീമിലെത്തിയത്. ഇന്ത്യയുടെ പ്ലേയിങ് ഇലവന്റെ ഘടന പരിശോധിക്കുകയാണെങ്കില് ഹൂഡ ടീമിന് ഇണങ്ങാത്ത കളിക്കാരനാണ്. താരം ഒരു ബൗളിങ് ഓപ്ഷന് തരുന്നുണ്ടെങ്കിലും മികച്ച ഫോമിലുള്ള അക്സര് പട്ടേലിനെ പുറത്തിരുത്തുക അബദ്ധമാകും. ഇഷാന് കിഷനെപ്പോലെയോ അല്ലെങ്കില് സഞ്ജു സാംസണെപ്പോലെയോ ഉള്ള കളിക്കാരനാണ് ഹൂഡയേക്കാള് മികച്ചവരെന്ന് വിലയിരുത്തലുകളുണ്ട്.
പേസര് ഭുവനേശ്വര് കുമാറും ടീമിന് ആശങ്കയേറ്റുകയാണ്. ഇന്ത്യ ഒടുവില് തോറ്റ ചില കളികളില് ഭുവനേശ്വര് കുമാറിന്റെ (Bhuvneshwar Kumar) അവസാന ഓവറുകളാണ് തിരിച്ചടിയായത്. കഴിഞ്ഞ വര്ഷം ടി20 ക്രിക്കറ്റില് ഇന്ത്യയുടെ ഏറ്റവും മികച്ച പേസര്മാരില് ഒരാളാണ് ഭുവനേശ്വര് കുമാര്. സ്വിംഗ് ബൗളര് പവര്പ്ലേയില് സ്ഥിരതയാര്ന്ന പ്രകടനം നടത്തി. പക്ഷേ, താരത്തിന്റെ ഫോം മങ്ങിയത് ടീമിന് തിരിച്ചടിയായേക്കും. നക്കിള് ബോള്, കട്ടറുകള് എന്നിവ പോലെ ഭുവി കാര്യക്ഷമമായി ഉപയോഗിച്ചിരുന്ന വൈവിധ്യങ്ങള്ക്കും കരുത്ത് നഷ്ടമായി. ബാറ്റുകൊണ്ടും ടീമിന് നേട്ടമുണ്ടാക്കാവുന്ന ദീപക് ചാഹറാണ് ഭുവിയേക്കാള് മികച്ച ഓപ്ഷന്.
വിശ്വസ്തനായ ബൗളറായിരുന്ന യുസ്വേന്ദ്ര ചാഹലും ടി20 ലോകകപ്പില് ഇന്ത്യയ്ക്ക് തിരിച്ചടി നല്കുമോ എന്ന ആകുലതയുണ്ട്. ഓസ്ട്രേലിയയ്ക്കെതിരായ പരമ്പരയില് ചാഹല് തീര്ത്തും നിരാശപ്പെടുത്തി. ഏഷ്യാ കപ്പില് ശ്രീലങ്കയ്ക്കെതിരായ മൂന്ന് വിക്കറ്റ് നേട്ടം ഒഴികെ അടുത്തുകാലത്ത് മികച്ച ഒരു പ്രകടനം ചാഹലില് നിന്നും ഉണ്ടായിട്ടില്ല. ആദം സാംപ, വനിന്ദു ഹസരംഗ, റാഷിദ് ഖാന് തുടങ്ങിയ മറ്റ് ലെഗ് സ്പിന്നര്മാര് ഫോമില് തുടരുമ്പോഴാണ് ചാഹലിന്റെ വീഴ്ച. പന്തിന്റെ വേഗതയില് വൈവിധ്യം വരുത്താന് ചാഹലിന് കഴിയുന്നില്ല. ചാഹലിനേക്കാള് മികച്ച രവി ബിഷ്ണോയി റിസര്വ് ടീമിലാണ് ഉള്ളത്. ലോകകപ്പില് ചാഹലിന് പകരമായി ആര് അശ്വിനെ ഉപയോഗിച്ചാല് ഒരു ബാറ്ററുടെ സേവനവും ഇന്ത്യയ്ക്ക് ലഭിക്കും.
Read Latest Sports News and Malayalam News
പേസര് ഭുവനേശ്വര് കുമാറും ടീമിന് ആശങ്കയേറ്റുകയാണ്. ഇന്ത്യ ഒടുവില് തോറ്റ ചില കളികളില് ഭുവനേശ്വര് കുമാറിന്റെ (Bhuvneshwar Kumar) അവസാന ഓവറുകളാണ് തിരിച്ചടിയായത്. കഴിഞ്ഞ വര്ഷം ടി20 ക്രിക്കറ്റില് ഇന്ത്യയുടെ ഏറ്റവും മികച്ച പേസര്മാരില് ഒരാളാണ് ഭുവനേശ്വര് കുമാര്. സ്വിംഗ് ബൗളര് പവര്പ്ലേയില് സ്ഥിരതയാര്ന്ന പ്രകടനം നടത്തി. പക്ഷേ, താരത്തിന്റെ ഫോം മങ്ങിയത് ടീമിന് തിരിച്ചടിയായേക്കും. നക്കിള് ബോള്, കട്ടറുകള് എന്നിവ പോലെ ഭുവി കാര്യക്ഷമമായി ഉപയോഗിച്ചിരുന്ന വൈവിധ്യങ്ങള്ക്കും കരുത്ത് നഷ്ടമായി. ബാറ്റുകൊണ്ടും ടീമിന് നേട്ടമുണ്ടാക്കാവുന്ന ദീപക് ചാഹറാണ് ഭുവിയേക്കാള് മികച്ച ഓപ്ഷന്.
വിശ്വസ്തനായ ബൗളറായിരുന്ന യുസ്വേന്ദ്ര ചാഹലും ടി20 ലോകകപ്പില് ഇന്ത്യയ്ക്ക് തിരിച്ചടി നല്കുമോ എന്ന ആകുലതയുണ്ട്. ഓസ്ട്രേലിയയ്ക്കെതിരായ പരമ്പരയില് ചാഹല് തീര്ത്തും നിരാശപ്പെടുത്തി. ഏഷ്യാ കപ്പില് ശ്രീലങ്കയ്ക്കെതിരായ മൂന്ന് വിക്കറ്റ് നേട്ടം ഒഴികെ അടുത്തുകാലത്ത് മികച്ച ഒരു പ്രകടനം ചാഹലില് നിന്നും ഉണ്ടായിട്ടില്ല. ആദം സാംപ, വനിന്ദു ഹസരംഗ, റാഷിദ് ഖാന് തുടങ്ങിയ മറ്റ് ലെഗ് സ്പിന്നര്മാര് ഫോമില് തുടരുമ്പോഴാണ് ചാഹലിന്റെ വീഴ്ച. പന്തിന്റെ വേഗതയില് വൈവിധ്യം വരുത്താന് ചാഹലിന് കഴിയുന്നില്ല. ചാഹലിനേക്കാള് മികച്ച രവി ബിഷ്ണോയി റിസര്വ് ടീമിലാണ് ഉള്ളത്. ലോകകപ്പില് ചാഹലിന് പകരമായി ആര് അശ്വിനെ ഉപയോഗിച്ചാല് ഒരു ബാറ്ററുടെ സേവനവും ഇന്ത്യയ്ക്ക് ലഭിക്കും.
Read Latest Sports News and Malayalam News