കോഹ്‍ലിയെ സച്ചിനുമായി താരതമ്യം ചെയ്യാനാവില്ലെന്ന് ഗാംഗുലി

ന്യൂഡൽഹി: വിരാട് കോഹ്‍ലിയെ സച്ചിൻ ടെണ്ടുൽക്കറുമായി താരതമ്യം ചെയ്യാൻ സമയമായിട്ടില്ലെന്ന് മുൻ ഇന്ത്യൻ ക്യാപ്റ്റൻ സൗരവ് ഗാംഗുലി. ഈഡൻ ഗാ‍ർഡനിൽ ശ്രീലങ്കക്കെതിരെ നേടിയത് പോലുള്ള സെഞ്ച്വറികൾ ഇനിയും കോഹ്‍ലിയുടെ ഭാഗത്ത് നിന്നുണ്ടാവും.

എന്നാൽ അത് വെച്ച് സച്ചിനുമായി താരതമ്യം ചെയ്യുന്നത് വളരെ നേരത്തെയായി പോവുമെന്ന് ഗാംഗുലി പറഞ്ഞു. "സെഞ്ച്വറികളുടെ കാര്യത്തിൽ കോഹ്‍ലി ഇപ്പോഴും സച്ചിൻെറ പകുതി മാത്രമേ എത്തിയിട്ടുള്ളൂ. ആ റെക്കോ‍ർഡിന് ഒപ്പമെത്താൻ ഇനിയും അമ്പത് സെഞ്ച്വറികൾ വേണം." ഗാംഗുലി വ്യക്തമാക്കി.

ഈ ബാറ്റിങ് മികവിൽ കോഹ്‍ലി ഇനിയും ഒരുപാട് സെഞ്ച്വറികൾ അടിച്ച് കൂട്ടുമെന്നും അദ്ദേഹം കൂട്ടിച്ചേർത്തു. കഴിഞ്ഞ ദിവസം ശ്രീലങ്കക്കെതിരായ മത്സരത്തിൽ ഇന്ത്യൻ നായകൻ അന്താരാഷ്ട്ര കരിയറിൽ 50 സെഞ്ച്വറികൾ എന്ന നേട്ടം കൈവരിച്ചിരുന്നു. ഇതിനോട് പ്രതികരിക്കുകായായിരുന്നു ഗാഗുലി.