റോയൽ ചലഞ്ചേഴ്സ് ബാംഗ്ലൂർ
കഴിഞ്ഞ സീസണിൽ ഏറ്റെടുത്ത ഓസ്ട്രേലിയൻ നായകൻ ആരോൺ ഫിഞ്ചിനെ ഇത്തവണ ആർസിബി ലേലത്തിന് മുമ്പ് തന്നെ വിട്ട് കളഞ്ഞിട്ടുണ്ട്. കൂടിയ തുകയ്ക്ക് ഫിഞ്ചിനെ ടീമിലെത്തിച്ചിട്ട് വലിയ ഗുണമൊന്നും ലഭിച്ചിട്ടില്ല. ബാറ്റിങ് നിര സ്ഥിരത പുലർത്താതായിരുന്നു കഴിഞ്ഞ സീസണിൽ ആർസിബിയുടെ പ്രശ്നം. സ്മിത്തിനെ പോലെയൊരാൾ എത്തിയാൽ അതിന് പരിഹാരമാവും. വിരാട് കോലിക്കും എബി ഡി വില്ലിയേഴ്സിനും കൂടുതൽ സ്വാതന്ത്ര്യത്തോടെ കളിക്കാനും സാധിക്കും.
ഡൽഹി കാപ്പിറ്റൽസ്
കഴിഞ്ഞ സീസണിൽ മികച്ച പ്രകടനവുമായി രണ്ടാം സ്ഥാനത്തെത്തിയ ടീമാണ് ഡൽഹി കാപ്പിറ്റൽസ്. വിക്കറ്റ് കീപ്പർ ബാറ്റ്സ്മാനും ഓസീസ് ഉപനായകനുമായ അലക്സ് കാരിയെ ലേലത്തിന് മുമ്പ് ഡൽഹി ഒഴിവാക്കിയിട്ടുണ്ട്. ആ ഒഴിവിൽ സ്മിത്തിനെ പരിഗണിക്കാവുന്നതാണ്. ഡൽഹി പരിശീലകൻ റിക്കി പോണ്ടിങിനും സ്മിത്തിനെ ടീമിലെത്തിക്കാൻ താൽപര്യമുണ്ടാവും.
ചെന്നൈ സൂപ്പർ കിങ്സ്
മഹേന്ദ്ര സിങ് ധോണി നയിക്കുന്ന ചെന്നൈ സൂപ്പർ കിങ്സ് സ്റ്റീവ് സ്മിത്തിനായി വലവിരിക്കാനുള്ള എല്ലാ സാധ്യതയുമുണ്ട്. ഷെയ്ൻ വാട്സൺ പോയതോടെ ഒരു ഓവർസീസ് ബാറ്റ്സ്മാനെ അവർക്ക് ആവശ്യമുണ്ട്. സ്മിത്തിനെ പോലൊരു ലോകോത്തര ബാറ്റ്സ്മാൻ ഏത് ടീമിനും മുതൽക്കൂട്ടാവുകയേയുള്ളൂ. ധോണിക്ക് കീഴിൽ സമ്മർദ്ദമില്ലാതെ കളിക്കാൻ സ്മിത്തിനും സാധിക്കും. റെയ്ന തിരിച്ചെത്തുന്ന മധ്യനിരയിൽ സ്മിത്തിൻെറ സാന്നിധ്യം ഗുണം ചെയ്യു.