സൂര്യയും കിഷനും ലോകകപ്പ് ടീമിൽ നിന്ന് പുറത്താവുമോ? സഞ്ജുവിനും ശ്രേയസിനും ഇടം പിടിക്കാം, സാധ്യതകൾ ഇങ്ങനെ!!
ഐപിഎല്ലിൽ മോശം ഫോമിൽ തുടരുന്ന ഇഷൻ കിഷനും സൂര്യകുമാർ യാദവും ഇന്ത്യയുടെ ടി20 ലോകകപ്പ് ടീമിൽ നിന്ന് പുറത്താവുമോ? പകരക്കാരാവാൻ അവസരം കാത്ത് മൂന്ന് കളിക്കാരുണ്ട്.
ശ്രേയസ് അയ്യർ
പരിക്ക് കാരണം മാറിനിൽക്കേണ്ടി വന്നതോടെയാണ് ശ്രേയസ് അയ്യരുടെ കരിയർ പ്രതിസന്ധിയിലായത്. ഐപിഎല്ലിൽ ഡൽഹി കാപ്പിറ്റൽസ് ക്യാപ്റ്റൻ സ്ഥാനം നഷ്ടമായ ശ്രേയസ് ഇന്ത്യയുടെ ലോകകപ്പ് ടീമിൽ റിസർവ് നിരയിലാണുള്ളത്. പരിക്ക് മാറി മടങ്ങിയെത്തിയ താരം മികച്ച ഫോമിലാണ്. ഇഷനും സൂര്യയും മോശം ഫോം തുടർന്നാൽ ലോകകപ്പിൽ ശ്രേയസിനെ മധ്യനിരയിൽ കാണാം.
(BCCI/PTI Photo)
മായങ്ക് അഗർവാൾ
കഴിഞ്ഞ രണ്ട് സീസണിലും മികച്ച ഫോമിൽ ഐപിഎല്ലിൽ കളിക്കുന്ന ബാറ്ററാണ് മായങ്ക് അഗർവാൾ. സ്പിന്നിനെ നന്നായി കൈകാര്യം ചെയ്യുന്ന മായങ്കിന് യുഎഇയിൽ തിളങ്ങാനാവുന്നുണ്ട്. 2020 സീസണിൽ 11 മത്സരങ്ങളിൽ നിന്ന് അദ്ദേഹം 424 റൺസ് നേടിയിരുന്നു. പഞ്ചാബ് കിങ്സിൻെറ മുന്നോട്ടുള്ള യാത്രയും മായങ്കിൻെറ സാധ്യതകൾ സജീവമാക്കും.
(PTI Photo/Sportzpics for IPL)
Also Read: രാജസ്ഥാന് വമ്പൻ തിരിച്ചടി; സഞ്ജുവിന് വിലക്ക് ലഭിച്ചേക്കും, ഇത്തവണ 24 ലക്ഷം രൂപ പിഴ!!
സഞ്ജു സാംസൺ
ശ്രീലങ്കയിൽ മികച്ച പ്രകടനം നടത്തിയിരുന്നെങ്കിൽ ലോകകപ്പ് ടീമിൽ സ്ഥാനം പിടിക്കാൻ സാധ്യതയുള്ള കളിക്കാരനായിരുന്നു സഞ്ജു സാംസൺ. ഐപിഎല്ലിൽ ഡൽഹി കാപ്പിറ്റൽസിനെതിരായ മത്സരത്തിൽ മനോഹരമായ ഇന്നിങ്സാണ് സഞ്ജു കാഴ്ച വെച്ചത്. ടീം പരാജയപ്പെട്ടെങ്കിലും 70 റൺസുമായി അദ്ദേഹം പുറത്താവാതെ നിന്നു. സീസണിൽ ഒരു സെഞ്ച്വറിയും സഞ്ജു നേടിയിട്ടുണ്ട്. ഇഷൻ മാറുകയാണെങ്കിൽ സഞ്ജു ടീമിൽ സ്ഥാനം പിടിച്ചേക്കും. ലോകകപ്പ് ടീമിൽ മാറ്റം ക്രിക്കറ്റ് ബോർഡിന് ഒക്ടോബർ 10 വരെ മാറ്റം വരുത്താം.
(Sportzpics for IPL/PTI Photo)