മൂന്ന് ടീമുകൾ, 36 ഓവറിൽ സിംഗിൾ മത്സരം; ക്രിക്കറ്റിൽ പുതിയ ഫോർമാറ്റിന് തുടക്കം കുറിക്കാൻ ദക്ഷിണാഫ്രിക്ക!

കേപ് ടൗൺ: മൂന്ന് ടീമുകൾ ഒരേ സമയം ഒരു മത്സരത്തിൽ കളിക്കുന്ന പുതിയ ഫോർമാറ്റ് പരീക്ഷിക്കാൻ ദക്ഷിണാഫ്രിക്കൻ ക്രിക്കറ്റ് ബോർഡ്. പ്രിട്ടോറിയയിലെ സൂപ്പർ സ്പോട്ട് പാർക്കിൽ ജൂലൈ 18നാണ് മത്സരം. ദക്ഷിണാഫ്രിക്കൻ സർക്കാർ മത്സരത്തിന് അനുമതി നൽകിയിട്ടുണ്ട്. 36 ഓവറുള്ള ഒരു മത്സരത്തിലാണ് മൂന്ന് ടീമുകൾ മാറ്റുരയ്ക്കുന്നത്.

നേരത്തെ ജൂൺ 27നാണ് മത്സരം തീരുമാനിച്ചിരുന്നത്. കൊവിഡ് 19 വ്യാപനം കാരണം മത്സരം മാറ്റി വെച്ചതായിരുന്നു. മുൻ പ്രസിഡൻറ് നെൽസൺ മണ്ടേലയുടെ 102ാം ജൻമവാർഷിക ആഘോഷങ്ങളുടെ ഭാഗമായാണ് മത്സരം സംഘടിപ്പിക്കുന്നത്. കൊവിഡ് 19 ദുരിതാശ്വാസ പ്രവർത്തനങ്ങൾക്കായി ഫണ്ട് സ്വരൂപിക്കാൻ വേണ്ടി കൂടിയാണ് മത്സരം.

Also Read: രാഹുൽ ദ്രാവിഡിൻെറ ക്ലാസിക് ക്യാച്ചുകൾ; വീഡിയോ ഷെയർ ചെയ്ത് ഹർഭജൻ, ഏറ്റെടുത്ത് സൂപ്പർതാരങ്ങൾ!!

എബി ഡി വില്ലിയേഴ്സ്, കഗിസോ റബാദ, ക്വിൻറൺ ഡീകോക്ക് എന്നിവർ നയിക്കുന്ന മൂന്ന് ടീമുകളിൽ തമ്മിലാണ് കളിക്കുക. ഓരോ ടീമിലും എട്ട് കളിക്കാർ വീതം ഉണ്ടായിരിക്കും. ഓരോ ടീമും 6 ഓവറുള്ള രണ്ട് ഇന്നിങ്സ് അടക്കം 12 ഓവർ വീതമാണ് ബാറ്റ് ചെയ്യുക. മൊത്തത്തിൽ ഏറ്റവും കൂടുതൽ റൺസ് നേടിയിട്ടുള്ള ടീമിനെ വിജയിയായി പ്രഖ്യാപിക്കും.

Also Read: ഒരു ഐപിഎൽ സീസണിൽ ഏറ്റവും കൂടുതൽ റൺസ് നേടിയ 5 താരങ്ങൾ ഇവ‍ർ; ഒന്നാമൻ ഇന്ത്യൻ താരം!