അണ്ടർ 19 ലോകകപ്പിൽ ഇന്ത്യക്ക് 10 വിക്കറ്റ് ജയം

ന്യൂഡൽഹി: അണ്ടർ 19 ക്രിക്കറ്റ് ലോകകപ്പിൽ തുടർച്ചയായി രണ്ടാം ജയവുമായി ഇന്ത്യ. പാപ്പുവ ന്യൂ ഗിനിയയെ 10 വിക്കറ്റിനാണ് ഇന്ത്യ തകർത്തത്. ഗ്രൂപ്പ് ബിയിലെ രണ്ടാം മത്സരത്തിൽ ആദ്യം ബാറ്റ് ചെയ്ത പാപ്പുവ ന്യൂ ഗിനിയയെ ഇന്ത്യ 64 റൺസിന് എറിഞ്ഞിട്ടു.

ഇടംകയ്യൻ സ്പിന്നർ അനുകുൽ റോയ് വെറും 14 റൺസ് വഴങ്ങി 5 വിക്കറ്റെടുത്തു. തുടർന്ന് ബാറ്റിങ് ആരംഭിച്ച ഇന്ത്യ വെറും എട്ടോവറിൽ ലക്ഷ്യം മറി കടന്നു. ക്യാപ്റ്റൻ പ്രിഥ്വി ഷായും മനോജ് കൽറയും ചേർന്ന് വിക്കറ്റൊന്നും നഷ്ടപ്പെടാതെയാണ് ടീമിനെ വിജയത്തിലെത്തിച്ചത്. 39 പന്തിൽ 57 റൺസുമായി വെടിക്കെട്ട് പ്രകടനമാണ് പ്രിഥ്വി ഷാ കാഴ്ച വെച്ചത്.