വിശാഖപട്ടണം: പുൽവാമ ഭീകരാക്രമണത്തിൽ വീരമൃത്യു വരിച്ച ജവാൻമാർക്ക് ആദരമർപ്പിച്ച് കൊണ്ടാണ് ഇന്ത്യയും ഓസ്ട്രേലിയയും തമ്മിലുള്ള ഒന്നാം ട്വൻറി20 മത്സരം തുടങ്ങിയത്. എന്നാൽ ടീം അംഗങ്ങൾ മൗനമാചരിക്കവേ സംസാരിച്ച വിശാഖപട്ടണത്തെ കാണികളോട് അങ്ങനെ ചെയ്യല്ലേയെന്ന് ഇന്ത്യൻ നായകൻ വിരാട് കോഹ്ലിക്ക് അഭ്യർഥിക്കേണ്ടി വന്നു. കാണികളോട് മിണ്ടാതിരിക്കാൻ ആവശ്യപ്പെട്ട് കോഹ്ലി ആംഗ്യം കാണിക്കുകയായിരുന്നു. ഇരുരാജ്യങ്ങളുടെയും ദേശീയഗാനത്തിന് ശേഷമാണ് ടീം അംഗങ്ങൾ മൗനമാചരിച്ചത്. ഇതിനിടയിലും ചില ഭാഗത്ത് നിന്നും കാണികളുടെ ശബദം ഉയർന്നതോടെയാണ് കോഹ്ലിക്ക് ഇടപെടേണ്ടി വന്നത്.
ഓസ്ട്രേലിയൻ കളിക്കാരും ഇന്ത്യൻ താരങ്ങൾക്കൊപ്പം ജവാൻമാർക്ക് ആദരമർപ്പിച്ചു. കറുത്ത ആം ബാൻഡും ധരിച്ചാണ് ഇന്ത്യൻ ടീം മത്സരത്തിന് ഇറങ്ങിയത്. പുൽവാമ ഭീകരാക്രമണത്തിന് ശേഷം ഇന്ത്യൻ ടീമിൻെറ ആദ്യ മത്സരമായിരുന്നു ഇന്നലെ വിശാഖപട്ടണത്ത് നടന്നത്.
ഓസ്ട്രേലിയൻ കളിക്കാരും ഇന്ത്യൻ താരങ്ങൾക്കൊപ്പം ജവാൻമാർക്ക് ആദരമർപ്പിച്ചു. കറുത്ത ആം ബാൻഡും ധരിച്ചാണ് ഇന്ത്യൻ ടീം മത്സരത്തിന് ഇറങ്ങിയത്. പുൽവാമ ഭീകരാക്രമണത്തിന് ശേഷം ഇന്ത്യൻ ടീമിൻെറ ആദ്യ മത്സരമായിരുന്നു ഇന്നലെ വിശാഖപട്ടണത്ത് നടന്നത്.