ടെസ്റ്റ് ലോകറാങ്കിങ്: സ്‍‍മിത്തിനെ മറികടന്ന് കോഹ‍്‍ലി ഒന്നാമത്

ന്യൂഡൽഹി: ടെസ്റ്റ് ബാറ്റ്സ്മാൻമാരുടെ എെസിസി ലോക റാങ്കിങിൽ മുൻ ഓസീസ് നായകൻ സ്റ്റീവ് സ്മിത്തിനെ മറികടന്ന് ഇന്ത്യൻ നായകൻ വിരാട് കോഹ‍്‍ലി ഒന്നാമതെത്തി. എഡ്ജ്ബാസ്റ്റൺ ടെസ്റ്റിലെ മികച്ച പ്രകടനമാണ് കോഹ‍്‍ലിയെ ഒന്നാമതെത്തിച്ചത്.

പന്ത് ചുരണ്ടൽ കുറ്റത്തിന് പിടിക്കപ്പെട്ട സ്റ്റീവ് സ്മിത്ത് അന്താരാഷ്ട്ര ക്രിക്കറ്റിൽ നിന്ന് വിലക്ക് നേരിട്ടിട്ടും ഒന്നാം സ്ഥാനത്ത് തുടരുകയായിരുന്നു. 934 പോയിൻറുമായാണ് കോഹ‍്‍ലി സ്മിത്തിനെ മറികടന്ന് ഒന്നാമതെത്തിയത്. സ്മിത്തിന് 929 പോയിൻറാണുള്ളത്.