ടി20 ലോകകപ്പിന് മുൻപ് നിർണായകമായ രണ്ട് ടി20 പരമ്പരകളാണ് ടീം ഇന്ത്യ കളിക്കുന്നത്. ഓസ്ട്രേലിയ, ദക്ഷിണാഫ്രിക്ക ടീമുകൾക്കെതിരെയാണ് ഇത്. ഇതിൽ ഓസ്ട്രേലിയക്കെതിരായ പരമ്പര അടുത്ത ദിവസം (20/09/2022) ആരംഭിക്കും. ടി20 ലോകകപ്പിന് മുൻപ് ടീമിൽ ചില നിർണായക പരീക്ഷണങ്ങൾ നടത്താൻ ഈ പരമ്പരകൾ ഇന്ത്യക്ക് സഹായകമാകുമെന്ന് ഉറപ്പാണ്. പരമ്പരയിലെ ആദ്യ മത്സരത്തിന് മുന്നോടിയായി ഇന്നലെ മാധ്യമങ്ങളോട് സംസാരിക്കവെ വരാനിരിക്കുന്ന മത്സരങ്ങളെക്കുറിച്ചും തന്ത്രങ്ങളെക്കുറിച്ചും ഇന്ത്യൻ നായകൻ രോഹിത് ശർമ്മ (Rohit Sharma) മനസ് തുറന്നു. കൂട്ടത്തിൽ വിരാട് കോഹ്ലിയെ (Virat Kohli) ഓപ്പണിംഗിൽ കണ്ടേക്കാമെന്ന സൂചനകളും അദ്ദേഹം പങ്കു വെച്ചു. കോഹ്ലി ഓസ്ട്രേലിയക്കെതിരെ ഓപ്പണിംഗ് ഇറങ്ങുമെന്ന് നേരിട്ട് പറയാതിരുന്ന രോഹിത്, എന്നാൽ അത് തീർച്ചയായും ഒരു ഓപ്ഷനാണെന്ന തരത്തിലാണ് സംസാരിച്ചത്. താരങ്ങൾ ഏത് പൊസിഷനുകളിലും കളിക്കാൻ പ്രാപ്തമായിരിക്കണമെന്ന് ചൂണ്ടിക്കാട്ടിയ രോഹിത്, പുതിയ എന്തെങ്കിലും (പരീക്ഷണങ്ങൾ) ചെയ്യാൻ ശ്രമിക്കുന്നത് അതൊരു പ്രശ്നമാണെന്ന് അർത്ഥമാക്കുന്നില്ലെന്നും കൂട്ടിച്ചേർത്തു.
" അതെ, അത് ഞങ്ങൾക്ക് ഒരു ഓപ്ഷനാണ് (വിരാട് കോഹ്ലി ഓപ്പണിംഗിറങ്ങുന്നത്). ഞങ്ങളുടെ മനസിൽ അതെപ്പോളുമുണ്ടാകും. ഞങ്ങൾ മൂന്നാം ഓപ്പണറായി ആരെയും എടുത്തിട്ടില്ല. അവൻ (കോഹ്ലി) അവന്റെ ഫ്രാഞ്ചൈസിക്കായി ഓപ്പൺ ചെയ്യുകയും നന്നായി കളിക്കുകയും ചെയ്തിട്ടുണ്ട്. അതിനാൽ ഇത് തീർച്ചയായും ഒരു ഓപ്ഷനാണ്." വിരാട് കോഹ്ലി ഓപ്പൺ ചെയ്യാനുള്ള സാധ്യതകളെക്കുറിച്ച് രോഹിത് പറഞ്ഞു.
അതേ സമയം നേരത്തെ ഏഷ്യാകപ്പിലെ (Asia Cup) സൂപ്പർ ഫോർ മത്സരത്തിൽ അഫ്ഗാനിസ്ഥാനെതിരെ ബാറ്റിംഗ് ഓപ്പൺ ചെയ്ത വിരാട് കോഹ്ലി, അന്താരാഷ്ട്ര ടി20യിൽ തന്റെ ആദ്യ സെഞ്ചുറിയും സ്കോർ ചെയ്തിരുന്നു. സ്ഥിരം ഓപ്പണറായ നായകൻ രോഹിത് ശർമ്മ വിശ്രമമെടുത്ത സാഹചര്യത്തിലായിരുന്നു അന്ന് കോഹ്ലി ഓപ്പണിംഗിലേക്കെത്തിയത്. ഓപ്പണിംഗിനിറങ്ങി ഉജ്ജ്വല സെഞ്ചുറി നേടിയത് മുതൽ കോഹ്ലിയെ ഇന്ത്യയുടെ ടി20 ടീമിന്റെ സ്ഥിരം ഓപ്പണറാക്കണമെന്ന തരത്തിൽ സംസാരമുയരുന്നുണ്ട്. എന്നാൽ രോഹിതും, രാഹുലും ഓപ്പണർമാരായി ഉള്ളതിനാൽ കോഹ്ലിക്ക് ടി20 ടീമിന്റെ സ്ഥിരം ഓപ്പണറാകാനാകില്ലെന്ന് ഏറെക്കുറെ ഉറപ്പാണ്.
നാളെയാണ് (20/09/2022) ഇന്ത്യയും ഓസ്ട്രേലിയയും (INDvAUS) തമ്മിലുള്ള മൂന്ന് മത്സര ടി20 പരമ്പരക്ക് തുടക്കമാകുന്നത്. മൊഹാലിയാണ് ആദ്യ പോരാട്ടത്തിന് വേദിയാകുന്നത്. രണ്ടാം ടി20 ഈ മാസം 23 ന് നാഗ്പൂരിലും, മൂന്നാമത്തേയും അവസാനത്തേയും മത്സരം 25ന് ഹൈദരാബാദിലും നടക്കും.
Read Latest Sports News and Malayalam News
" അതെ, അത് ഞങ്ങൾക്ക് ഒരു ഓപ്ഷനാണ് (വിരാട് കോഹ്ലി ഓപ്പണിംഗിറങ്ങുന്നത്). ഞങ്ങളുടെ മനസിൽ അതെപ്പോളുമുണ്ടാകും. ഞങ്ങൾ മൂന്നാം ഓപ്പണറായി ആരെയും എടുത്തിട്ടില്ല. അവൻ (കോഹ്ലി) അവന്റെ ഫ്രാഞ്ചൈസിക്കായി ഓപ്പൺ ചെയ്യുകയും നന്നായി കളിക്കുകയും ചെയ്തിട്ടുണ്ട്. അതിനാൽ ഇത് തീർച്ചയായും ഒരു ഓപ്ഷനാണ്." വിരാട് കോഹ്ലി ഓപ്പൺ ചെയ്യാനുള്ള സാധ്യതകളെക്കുറിച്ച് രോഹിത് പറഞ്ഞു.
അതേ സമയം നേരത്തെ ഏഷ്യാകപ്പിലെ (Asia Cup) സൂപ്പർ ഫോർ മത്സരത്തിൽ അഫ്ഗാനിസ്ഥാനെതിരെ ബാറ്റിംഗ് ഓപ്പൺ ചെയ്ത വിരാട് കോഹ്ലി, അന്താരാഷ്ട്ര ടി20യിൽ തന്റെ ആദ്യ സെഞ്ചുറിയും സ്കോർ ചെയ്തിരുന്നു. സ്ഥിരം ഓപ്പണറായ നായകൻ രോഹിത് ശർമ്മ വിശ്രമമെടുത്ത സാഹചര്യത്തിലായിരുന്നു അന്ന് കോഹ്ലി ഓപ്പണിംഗിലേക്കെത്തിയത്. ഓപ്പണിംഗിനിറങ്ങി ഉജ്ജ്വല സെഞ്ചുറി നേടിയത് മുതൽ കോഹ്ലിയെ ഇന്ത്യയുടെ ടി20 ടീമിന്റെ സ്ഥിരം ഓപ്പണറാക്കണമെന്ന തരത്തിൽ സംസാരമുയരുന്നുണ്ട്. എന്നാൽ രോഹിതും, രാഹുലും ഓപ്പണർമാരായി ഉള്ളതിനാൽ കോഹ്ലിക്ക് ടി20 ടീമിന്റെ സ്ഥിരം ഓപ്പണറാകാനാകില്ലെന്ന് ഏറെക്കുറെ ഉറപ്പാണ്.
നാളെയാണ് (20/09/2022) ഇന്ത്യയും ഓസ്ട്രേലിയയും (INDvAUS) തമ്മിലുള്ള മൂന്ന് മത്സര ടി20 പരമ്പരക്ക് തുടക്കമാകുന്നത്. മൊഹാലിയാണ് ആദ്യ പോരാട്ടത്തിന് വേദിയാകുന്നത്. രണ്ടാം ടി20 ഈ മാസം 23 ന് നാഗ്പൂരിലും, മൂന്നാമത്തേയും അവസാനത്തേയും മത്സരം 25ന് ഹൈദരാബാദിലും നടക്കും.
Read Latest Sports News and Malayalam News