ടെസ്റ്റ് പരാജയം: ബാറ്റിങ് നിരയെ പഴിച്ച് വിരാട് കോഹ്‍ലി

കേപ് ടൗൺ: ദക്ഷിണാഫ്രിക്കക്കെതിരായ ഒന്നാം ടെസ്റ്റിൽ പരാജയപ്പെട്ടതിൽ ബാറ്റിങ് നിരയെ പഴിച്ച് ഇന്ത്യൻ നായകൻ വിരാട് കോഹ്‍ലി. രണ്ട് ഇന്നിങ്സുകളിലും ഇന്ത്യയുടെ ബാറ്റിങ് നിര തകർന്നടിയുകയായിരുന്നു. ഒന്നാം ഇന്നിങ്സിൽ ഹാർദിക് പാണ്ഡ്യയും രണ്ടാം ഇന്നിങ്സിൽ ആർ.അശ്വിനുമാണ് ഇന്ത്യയുടെ ടോപ് സ്കോറർമാരായത്.

"ബാറ്റ്സ്മാൻമാർക്ക് പിടിച്ച് നിൽക്കാൻ സാധിക്കാഞ്ഞതാണ് പരാജയത്തിന് കാരണം. മികച്ച കൂട്ടുകെട്ടുകളൊന്നും തന്നെ ഉണ്ടായില്ല. ഓരോ വിക്കറ്റിലും 30-35 റൺസ് പോലും കൂട്ടിച്ചേർക്കാനായില്ല. കുറച്ച് കൂടി ശ്രദ്ധിച്ച് ബാറ്റ് ചെയ്യേണ്ടതുണ്ടായിരുന്നു." കോഹ്‍ലി പറഞ്ഞു.

പരിശീനക്കുറവാണ് ടീമിൻെറ മോശം പ്രകടനത്തിന് കാരണമെന്ന് കരുതുന്നില്ലെന്നും ഇന്ത്യൻ നായകൻ പറഞ്ഞു.