ധോണിയെ ഒഴിവാക്കിയതിൻെറ കാരണം വെളിപ്പെടുത്തി കോഹ‍്‍ലി

തിരുവനന്തപുരം: വെസ്റ്റ് ഇൻഡീസിനെതിരായ ടി20 പരമ്പരക്കുള്ള ടീമിൽ നിന്ന് മഹേന്ദ്ര സിങ് ധോണിയെ ഒഴിവാക്കിയതിൻെറ കാരണം വെളിപ്പെടുത്തി ഇന്ത്യൻ നായകൻ വിരാട് കോഹ‍്‍ലി. ധോണി തന്നെയാണ് ഇക്കാര്യത്തിൽ തീരുമാനം എടുത്തതെന്ന് കോഹ‍്‍ലി വ്യക്തമാക്കി.

ഏകദിനത്തിൽ ധോണി ടീമിൻെറ അവിഭാജ്യ ഘടകമാണ്. ഋഷഭ് പന്തിനെ പോലുള്ള യുവതാരങ്ങൾക്ക് വഴി മാറി കൊടുക്കുന്നതിൻെറ ഭാഗമായാണ് ധോണി മാറി നിൽക്കുന്നതെന്നും കോഹ‍്‍ലി പറഞ്ഞു. തിരുവനന്തപുരത്ത് വെസ്റ്റ് ഇൻഡീസിനെതിരായ അഞ്ചാം ഏകദിന മത്സരം വിജയിച്ച ശേഷം സംസാരിക്കുകയായിരുന്നു ഇന്ത്യൻ നായകൻ.

ധോണി ടി20 പരമ്പരയിൽ നിന്ന് മാറി നിൽക്കുന്നുവെന്ന കാര്യം സെലക്ടർമാർ നേരത്തെ വിശദീകരിച്ചതാണ്. യുവതാരങ്ങളെ പ്രോത്സാഹിപ്പിക്കുന്ന താരമാണ് ധോണി. അതല്ലാതെ മറ്റൊരു കാരണവും ഇല്ല. ഇന്ത്യൻ ക്രിക്കറ്റ് ടീമിലെ അവിഭാജ്യ ഘടകം തന്നെയാണ് ധോണിയെന്നും കോഹ‍്‍ലി പറഞ്ഞു.