വിരാട് കോഹ്‍ലിക്ക് എെസിസി ക്രിക്കറ്റർ ഓഫ് ദി ഇയർ പുരസ്കാരം

ന്യൂഡൽഹി: ഇന്ത്യൻ നായകൻ വിരാട് കോഹ്‍ലിക്ക് 2017ലെ എെസിസി ക്രിക്കറ്റർ ഓഫ് ദി ഇയർ പുരസ്കാരം. മികച്ച ഏകദിന താരം, മികച്ച ക്യാപ്റ്റൻ എന്നീ പുരസ്കാരങ്ങളും കോഹ്‍ലിക്ക് ലഭിച്ചു. പരിമിത ഓവർ ക്രിക്കറ്റിലെയും ടെസ്റ്റിലെയും മികച്ച ക്യാപ്റ്റൻ കോഹ്‍ലിയാണ്.

ടെസ്റ്റ് കളിക്കാരനുള്ള പുരസ്കാരം ഓസീസ് നായകൻ സ്റ്റീവ് സ്മിത്ത് സ്വന്തമാക്കി. പാകിസ്ഥാൻെറ ഹസൻ അലിയാണ് യുവതാരം. അഫ്ഗാനിസ്ഥാൻ സ്പിന്നർ റാഷിദ് ഖാൻ എെസിസി അസോസിയേറ്റ് ക്രിക്കറ്റർ ഓഫ് ദി ഇയർ പുരസ്കാരത്തിന് അർഹനായി. ട്വൻറി20യിലെ മികച്ച പ്രകടത്തിനുള്ള പുരസ്കാരം ഇന്ത്യൻ താരം യുസ്‍വേന്ദ്ര ചാഹലിന് ലഭിച്ചു.