വിരാട് കോഹ‍്‍ലിയെ പരിഹസിച്ച് വോഗൻ: പൊങ്കാലയിട്ട് ആരാധക‍ർ

ഓവൽ: ഇന്ത്യൻ നായകൻ വിരാട് കോഹ‍്‍ലിയെ പരിഹസിച്ച് മുൻ ഇംഗ്ലണ്ട് നായകൻ മൈക്കൽ വോഗൻ. കോഹ‍്‍ലി ലോകത്തിലെ ഏറ്റവും മികച്ച ബാറ്റ്സ്മാൻ ആണ്, എന്നാൽ ലോകത്തിലെ ഏറ്റവും മോശം റിവ്യൂവറും അദ്ദേഹമാണ് എന്നാണ് വോഗൻെറ ട്വീറ്റ്.

ഇംഗ്ലണ്ടിന്റെ രണ്ടാം ഇന്നിംങ്സിൽ കോഹ‍്‍ലി എടുത്ത റിവ്യൂകൾ രണ്ടും പരാജയപ്പെട്ടിരുന്നു. ഇതിനെ പരിഹസിച്ചാണ് താരത്തിൻെറ ട്വീറ്റ്. ഇംഗ്ലണ്ട് ഓപ്പണര്‍ കീറ്റണ്‍ ജെന്നിംഗ്സിനെതിരെയും അലിസ്റ്റര്‍ കുക്കിനുമെതിരെയായിരുന്നു റിവ്യൂകൾ. ഇത് രണ്ടും തെറ്റുകയും ഇന്ത്യയുടെ മുഴുവൻ ഡിആർസ് അവസരങ്ങൾ നഷ്ടമാവുകയും ചെയ്തു.


എന്നാൽ വോഗന് മറുപടിയുമായി ഇന്ത്യൻ ആരാധകരെത്തി. ഇംഗ്ലീഷ് നായകന്‍ ജോ റൂട്ടുമായി താരതമ്യം ചെയ്താണ് മറുപടികൾ.