വിരാട് കോഹ്‍ലി കൗണ്ടി ക്രിക്കറ്റ് കളിക്കും

ഈ വര്‍ഷം അവസാനം നടക്കുന്ന ഇംഗ്ലണ്ട് പര്യടനത്തില്‍ പതറാതിരിക്കാന്‍ ഇപ്പോഴെ പരിശീലനത്തിന് ഒരുങ്ങുകയാണ് ഇന്ത്യന്‍ ക്യാപ്റ്റന്‍ വിരാട് കോഹ്‍ലി, എന്ന് റിപ്പോര്‍ട്ടുകള്‍. കൗണ്ടി ക്ലബ് സറെയില്‍ ആയിരിക്കും കോഹ്‍ലി കളിക്കുക. എന്നാല്‍ എത്രനാള്‍ കോഹ്‍ലി ഇംഗ്ലണ്ടില്‍ കളിക്കുമെന്നത് വ്യക്തമല്ല.

ജൂണ്‍ മാസം കോഹ്‍ലി സറെ ടീമിനൊപ്പം ചേരുമെന്നാണ് ടൈംസ് ഓഫ് ഇന്ത്യ റിപ്പോര്‍ട്ട് ചെയ്യുന്നത്. ഈ മാസം ഇന്ത്യ, അഫ്‍ഗാനിസ്ഥാന് എതിരെ കളിക്കുന്നുണ്ട്. ചരിത്രത്തിലെ ആദ്യത്തെ ഇന്ത്യ - അഫ്‍ഗാനിസ്ഥാന്‍ ടെസ്റ്റ് മത്സരമാണിത്.

ഈ ടെസ്റ്റില്‍ കോഹ്‍ലി കളിച്ചേക്കില്ലെന്നാണ് ഇപ്പോഴത്തെ റിപ്പോര്‍ട്ടുകള്‍.

ടെസ്റ്റ് മത്സരങ്ങളില്‍ ഇംഗ്ലണ്ടില്‍ കോഹ്ലിയുടെ പ്രകടനം ആശാവഹമല്ല. ഇത് തിരുത്തിക്കുറിക്കാന്‍ ഈ വര്‍ഷം അവസാനത്തോടെ കഴിയുമെന്നാണ് പ്രതീക്ഷ. ഇതിന്‍റെ ഭാഗമായാണ് കോഹ്‍ലി ഇംഗ്ലണ്ടില്‍ കളിക്കാന്‍ പരിചയസമ്പത്ത് നേടുന്നത്