ലോക ട്വന്റി20 നായകൻ കോഹ് ലി; ധോണി ടീമിലില്ല

ന്യൂഡൽഹി : ഐസിസിയുടെ ലോക ട്വന്റി20 ടീമിന്റെ നായകനായി ഇന്ത്യന്‍ ടീം വൈസ് ക്യാപ്റ്റൻ വിരാട് കോഹ് ലിയെ തെരഞ്ഞെടുത്തു. ഇന്ത്യന്‍ ക്യാപ്റ്റന്‍ ധോനി ടീമില്‍ ഇടം നേടിയില്ല. പേസർ ആശീഷ് നെഹ്‌റ മാത്രമാണ് കൊഹ്‌ലിയെ കൂടാതെ ഐസിസിയുടെ പന്ത്രണ്ടംഗ ടീമില്‍ ഇടംപിടിച്ച ഏക ഇന്ത്യന്‍ കളിക്കാരന്‍.

ജേസണ്‍ റോയ്, ജോ റൂട്ട്, ജോസ് ബട്ട്!ലര്‍, ഡേവിഡ് വില്ലി (ഇംഗ്ലണ്ട്), ആന്‍ഡ്രെ റസല്‍, സാമുവല്‍ ബദ്‌രി (വെസ്റ്റിന്‍ഡീസ്), വാട്‌സണ്‍ (ഓസ്‌ട്രേലിയ), മിച്ചല്‍ സാന്റ്‌നര്‍ ( ന്യൂസിലാന്‍ഡ്), ഡി കോക് (ദക്ഷിണാഫ്രിക്ക), മുസ്താഫിസുര്‍ റഹ്മാന്‍ (ബംഗ്ലാദേശ്), ആശിഷ് നെഹ്‌റ (ഇന്ത്യ) തുടങ്ങിയവരാണ് ഐസിസിയുടെ ടീം. ഇന്ത്യന്‍ ബാറ്റിംഗ് നിരയിലെ മികച്ച പ്രകടനമാണ് ടീമില്‍ ഇടം നേടാന്‍ കോഹ് ലിയെ അർഹനാക്കിയത്.