താരങ്ങൾക്കൊപ്പം ഭാര്യമാ‍ർ; കോഹ‍്‍ലിയുടെ അഭ്യ‍ർഥന പരിഗണനയ്ക്ക്

ന്യൂഡൽഹി: വിദേശ പര്യടനങ്ങളിൽ ക്രിക്കറ്റ് താരങ്ങളുടെ ഭാര്യമാരെ കൂടെ കൊണ്ട് പോവാൻ അനുവദിക്കണമെന്ന വിരാട് കോഹ‍്‍ലിയുടെ അഭ്യ‍ർഥന പരിഗണനയ്ക്ക്. സുപ്രീം കോടതി നിയോഗിച്ചിട്ടുള്ള കമ്മിറ്റി ഓഫ് അഡ്മിനിസ്ട്രേഷനാണ് ഇക്കാര്യത്തിൽ തീരുമാനമെടുക്കുക.

വിദേശ പര്യടനങ്ങളിൽ മുഴുവൻ സമയവും ഭാര്യമാർ താരങ്ങൾക്കൊപ്പം വേണമെന്നാണ് കോഹ‍്‍ലിയുടെ അഭ്യർഥന. എന്നാൽ ഇക്കാര്യത്തിൽ പെട്ടെന്ന് തീരുമാനം ഉണ്ടാവില്ല. വിശദമായ ചർച്ചകൾക്ക് ശേഷം മാത്രമേ തീരുമാനം എടുക്കുകയുള്ളൂവെന്ന് കമ്മിറ്റി ഓഫ് അഡ്മിനിസ്ട്രേഷൻ വ്യക്തമാക്കി.

വിദേശ പര്യടനങ്ങളിൽ ഭാര്യമാർക്കോ കാമുകിമാർക്കോ രണ്ടാഴ്ച വരെ താരങ്ങൾക്കൊപ്പം നിൽക്കാമെന്നാണ് നിലവിൽ ബിസിസിഎെയുടെ നിലപാട്. എന്നാൽ പര്യടനം അവസാനിക്കുന്നത് വരെ ഭാര്യമാർ ഒപ്പം വേണമെന്നാണ് കോഹ‍്‍ലി ആവശ്യപ്പെടുന്നത്.