നേപ്പിയർ: കളിക്കുന്ന ഓരോ മത്സരത്തിലും ഒരു റെക്കോർഡ് എങ്കിലും പുതുതായി സ്ഥാപിക്കുക എന്നത് ഇന്ത്യൻ നായകൻ വിരാട് കോഹ്ലിയുടെ ശീലമായിരിക്കുന്നു. ന്യൂസിലൻറിനെതിരായ ഒന്നാം ഏകദിനത്തിൽ 45 റൺസെടുത്ത കോഹ്ലി മറികടന്നത് വെസ്റ്റ് ഇൻഡീസ് ക്രിക്കറ്റ് ഇതിഹാസം ബ്രയാൻ ലാറയെയാണ്. ഏകദിന ക്രിക്കറ്റിലെ റൺവേട്ടയിലാണ് കോഹ്ലി, ലാറയെ മറികടന്നത്. കോഹ്ലി നിലവിൽ 212 ഇന്നിങ്സുകളിൽ നിന്നായി നേടിയിട്ടുള്ളത് 10430 റൺസാണ്. 289 ഇന്നിങ്സുകളിൽ നിന്ന് 10405 റൺസാണ് ലാറ നേടിയിട്ടുള്ളത്.
ഏകദിനങ്ങളിൽ 452 ഇന്നിങ്സുകളിൽ നിന്നായി 18426 റൺസ് നേടിയിട്ടുള്ള സച്ചിൻ ടെണ്ടുൽക്കറാണ് റൺവേട്ടയിൽ ഒന്നാം സ്ഥാനത്തുള്ളത്. മുൻ നായകൻമാരായ ഗാംഗുലി, ദ്രാവിഡ് എന്നിവരും ലിസ്റ്റിലെ ആദ്യ പത്തിലുള്ള താരങ്ങളാണ്.
ഏകദിനങ്ങളിൽ 452 ഇന്നിങ്സുകളിൽ നിന്നായി 18426 റൺസ് നേടിയിട്ടുള്ള സച്ചിൻ ടെണ്ടുൽക്കറാണ് റൺവേട്ടയിൽ ഒന്നാം സ്ഥാനത്തുള്ളത്. മുൻ നായകൻമാരായ ഗാംഗുലി, ദ്രാവിഡ് എന്നിവരും ലിസ്റ്റിലെ ആദ്യ പത്തിലുള്ള താരങ്ങളാണ്.