മൊഹാലിയിൽ വാഷിങ്‍ടൺ സുന്ദറിന് ഇന്ന് അരങ്ങേറ്റ മത്സരം

മൊഹാലി: തമിഴ്‍നാട് സ്പിന്നറും ഓൾ റൗണ്ടറുമായ വാഷിങ്‍ടൺ സുന്ദറിന് ഇന്ന് ഇന്ത്യൻ ക്രിക്കറ്റ് ടീമിൽ അരങ്ങേറ്റ മത്സരം. പരിക്കേറ്റ കേദാ‍ർ ജാദവിന് പകരമായാണ് അദ്ദേഹത്തെ ടീമിൽ ഉൾപ്പെടുത്തിയത്. തുടയിലെ ഞരമ്പിനേറ്റ പരിക്ക് മൂലമാണ് ജാദവിന് വിശ്രമം നൽകിയത്.

ഐപിഎല്‍ പത്താം സീസണില്‍ റൈസിംഗ് പൂനെ സൂപ്പര്‍ ജയിന്റ്‌സിന്റെ താരമായിരുന്നു 17 കാരനായ സുന്ദര്‍. അശ്വിന്റെ പിന്‍ഗാമിയായാണ് താരം വിശേഷിക്കപ്പെടുന്നത്. പൂനെയെ ഫൈനലില്‍ എത്തിക്കാന്‍ പ്രധാന പങ്കുവഹിച്ചത് വാഷിങ്‍ടൺ സുന്ദറിന്റെ ബൗളിംഗ് ആയിരുന്നു. ലങ്കക്കെതിരായ ട്വൻറി20 ടീമിലും താരം ഇടം പിടിച്ചിട്ടുണ്ട്.