രണ്ട് ലോകകപ്പ് കൂടി കളിക്കും
കഴിഞ്ഞ ഐപിഎല്ലിൽ ആദ്യമത്സരങ്ങളിൽ ഗെയിലിനെ പഞ്ചാബ് കിങ്സ് കളിപ്പിച്ചിരുന്നില്ല. എന്നാൽ അദ്ദേഹത്തെ കളിപ്പിച്ച് തുടങ്ങിയതോടെ പഞ്ചാബ് മത്സരങ്ങൾ ജയിക്കാൻ തുടങ്ങി. താരത്തിൻെറ ബാറ്റിങ് ഫോമിൽ ഇപ്പോഴും ഒരു കുറവും സംഭവിച്ചിട്ടില്ല. തനിക്ക് ഇനിയും രണ്ട് ലോകകപ്പുകൾ കൂടി കളിക്കാൻ ആഗ്രഹമുണ്ടെന്ന് ഗെയിൽ പറയുന്നു. ഇഎസ്പിഎൻ ക്രിക് ഇൻഫോ നടത്തിയ അഭിമുഖത്തിൽ 25 ചോദ്യങ്ങൾക്ക് ഉത്തരം പറയുകയായിരുന്നു അദ്ദേഹം.
(Getty Images)
ടി20 ഇലവനിൽ സ്ഥാനം പിടിക്കുന്ന മൂന്ന് പേർ
ഗെയിലിൻെറ ടി20 ഇലവനിൽ നിർബന്ധമായും സ്ഥാനം പിടിക്കുന്ന ആദ്യ മൂന്ന് കളിക്കാർ ആരെല്ലാമാണെന്നും അദ്ദേഹം പ്രഖ്യാപിച്ചു. കൂട്ട്തിലുള്ള രണ്ട് പേരും വെസ്റ്റ് ഇൻഡീസുകാർ തന്നെയാണ്. ഒരാൾ ഇന്ത്യൻ താരവും. ടി20 ക്രിക്കറ്റിൽ ഇന്ന് ലോകത്തിലെ ഏറ്റവും മികച്ച ഓൾറൗണ്ടർമാരിൽ ഒരാളായ ആന്ദ്രേ റസ്സലാണ് ഒരാൾ. വെസ്റ്റ് ഇൻഡീസിൻെറ വെടിക്കെട്ട് ബാറ്റ്സ്മാൻ നിക്കോളാസ് പൂരനാണ് രണ്ടാമത്തെയാൾ.
(Getty Images)
ഇന്ത്യൻ താരം രോഹിത് ശ‍ർമ
ഇന്ത്യൻ ഉപനായകനും ഓപ്പണറുമായ രോഹിത് ശ‍ർമയാണ് ഗെയിലിൻെറ പട്ടികയിലുള്ള മൂന്നാമത്തെയാൾ. നിലവിൽ അന്താരാഷ്ട്ര ടി20 ക്രിക്കറ്റിലെ രണ്ടാമത്തെ ടോപ് റൺ സ്കോററാണ് രോഹിത്. 32.62 ശരാശരിയിൽ 2773 റൺസ് അദ്ദേഹം നേടിയിട്ടുണ്ട്. നാല് സെഞ്ച്വറികളും ടി20 ക്രിക്കറ്റിൽ രോഹിതിൻെറ പേരിലുണ്ട്. ഐപിഎല്ലിൽ ഏറ്റവും കൂടുതൽ കിരീടം നേടിയിട്ടുള്ള നായകൻ കൂടിയാണ് രോഹിത്.
(BCCI Photo)