വിരാട് കോലിയുടെ നായകത്വത്തിൽ ഇന്ത്യൻ ടീമിലെ സ്ഥിരം സാന്നിധ്യമായിരുന്നു കുൽചാ സഖ്യം എന്നറിയപ്പെടുന്ന കുൽദീപ് യാദവും യുസ്വേന്ദ്ര ചാഹലും ചേരുന്ന സ്പിൻ കോമ്പിനേഷൻ. എന്നാൽ കഴിഞ്ഞ രണ്ട് വർഷമായി ഇരുവരും ഒരുമിച്ച് ഇന്ത്യൻ ടീമിൽ കളിക്കുന്നേയില്ല. കുൽദീപിന് പ്ലേയിങ് ഇലവനിൽ പോലും സ്ഥാനം ലഭിക്കാത്ത അവസ്ഥയാണ്. 2019 ലോകകപ്പിൽൽ ഇംഗ്ലണ്ടിനെതിരായ ഗ്രൂപ്പ് സ്റ്റേജ് മത്സരത്തിലാണ് ഇരുവരും അവസാനമായി ഒരുമിച്ച് ഇറങ്ങിയത്. കുൽചാ സഖ്യം എന്ത് കൊണ്ട് ഇപ്പോൾ ടീമിലുണ്ടാവുന്നില്ലെന്നതിൻെറ കാരണം വെളിപ്പെടുത്തിയിരിക്കുകയാണ് കുൽദീപ് യാദവ്. "ടീം ആവശ്യപ്പെടുന്ന കോമ്പിനേഷനാണ് അതിന് പ്രധാന കാരണം. രവീന്ദ്ര ജഡേജ ബോളിങിലും ബാറ്റിങിലും ഒരുപോലെ തിളങ്ങുന്നയാളാണ്. ജഡേജയെ മാറ്റി പകരം ഞങ്ങളെ കളിപ്പിക്കുകയെന്നത് എളുപ്പമാവില്ല," കുൽദീപ് യാദവ് പറഞ്ഞു.
Also Read: സഞ്ജു സാംസൺ ഇന്ത്യയുടെ ഭാവിനായകനാവണം, ലങ്കൻ പര്യടനത്തിൽ നയിക്കണം: മുൻ പാക് താരം പറയുന്നു!!
ജഡേജ ടീമിൽ സ്ഥാനം ഉറപ്പാക്കിയതോടെയാണ് കുൽദീപ് തഴയപ്പെട്ട് തുടങ്ങിയത്. ഗംഭീർ ഓൾറൌണ്ടറായ ജഡേജ മികച്ച ഫീൽഡർ കൂടിയാണ്. നിലവിലെ സാഹചര്യത്തിൽ മൂന്ന് ഫോർമാറ്റിലും ഇന്ത്യക്ക് ജഡേജയില്ലാത്ത ഒരു പ്ലേയിങ് ഇലവൻ ചിന്തിക്കാനാവില്ല. കുൽദീപും ചാഹലും ഒരുമിച്ച് കളിച്ച 44 മത്സരങ്ങളിൽ 32 എണ്ണത്തിലും ഇന്ത്യ വിജയിച്ചിരുന്നു.
Also Read: സഞ്ജു സാംസൺ ഇന്ത്യയുടെ ഭാവിനായകനാവണം, ലങ്കൻ പര്യടനത്തിൽ നയിക്കണം: മുൻ പാക് താരം പറയുന്നു!!
ജഡേജ ടീമിൽ സ്ഥാനം ഉറപ്പാക്കിയതോടെയാണ് കുൽദീപ് തഴയപ്പെട്ട് തുടങ്ങിയത്. ഗംഭീർ ഓൾറൌണ്ടറായ ജഡേജ മികച്ച ഫീൽഡർ കൂടിയാണ്. നിലവിലെ സാഹചര്യത്തിൽ മൂന്ന് ഫോർമാറ്റിലും ഇന്ത്യക്ക് ജഡേജയില്ലാത്ത ഒരു പ്ലേയിങ് ഇലവൻ ചിന്തിക്കാനാവില്ല. കുൽദീപും ചാഹലും ഒരുമിച്ച് കളിച്ച 44 മത്സരങ്ങളിൽ 32 എണ്ണത്തിലും ഇന്ത്യ വിജയിച്ചിരുന്നു.