MS Dhoni: ഒറ്റരാത്രി കൊണ്ട് ധോണിയാവാൻ സാധിക്കില്ല; വിമർശനങ്ങൾക്ക് മറുപടിയുമായി പന്ത്

ന്യൂഡൽഹി: പ്രശംസയും വിമർശനവും ഒരു പോലെ ഏറ്റുവാങ്ങുന്ന കാര്യത്തിൽ മുൻ ഇന്ത്യൻ നായകൻ എംഎസ് ധോണിയുടെ യഥാർഥ പിൻഗാമി തന്നെയാണ് ഋഷഭ് പന്ത്. പ്രതിഭാശാലിയായ ക്രിക്കറ്റർ എന്ന് വിലയിരുത്തപ്പെടുമ്പോഴും കളിക്കളത്തിൽ മോശം ഷോട്ട് സെലക്ഷൻെറ പേരിലും ഉത്തരവാദിത്വമില്ലാതെ ബാറ്റ് വിശുന്നതിൻെറ പേരിലും പന്ത് വിമർശനം ഏറ്റുവാങ്ങാറുണ്ട്.

ഏതായാലും തൻെറ മുൻഗാമിയായ ധോണിയുമായുള്ള താരതമ്യങ്ങളുടെ കാര്യത്തിൽ ആദ്യമായി അഭിപ്രായ പ്രകടനം നടത്തിയിരിക്കുകയാണ് പന്ത് ഇപ്പോൾ. ധോണിയെ കുറിച്ചുള്ള താരതമ്യങ്ങളെ കുറിച്ച് താനും ചിലപ്പോൾ ചിന്തിക്കാറുണ്ട്. എന്നാൽ അത് അത്ര എളുപ്പമുള്ള കാര്യമല്ലെന്ന് അറിയാമെന്ന് പന്ത് പറഞ്ഞു.

Read More: ടെസ്റ്റിൽ ഇടമില്ല, ഇന്ത്യൻ സൂപ്പർ താരം ചുവട് മാറ്റുന്നു; ഇനി ലക്ഷ്യം മറ്റൊന്ന്!

"ഞാൻ അദ്ദേഹത്തിൽ നിന്ന് പഠിക്കാനാണ് ശ്രമിക്കുന്നത്. ഞാൻ എൻെറ മെൻററായാണ് അദ്ദേഹത്തെ കാണുന്നത്. എന്നെ അദ്ദേഹം ഒരുപാട് കാര്യങ്ങൾ പഠിപ്പിച്ചിട്ടുണ്ട്. എൻെറ സീനിയേഴ്സിൽ നിന്ന് കാര്യങ്ങൾ പഠിച്ച് മുന്നോട്ട് പോവാനാണ് എപ്പോഴും ഞാൻ ശ്രമിക്കുന്നത്," പന്ത് പറഞ്ഞു. "ധോണിയിൽ നിന്ന് കളി പഠിക്കുന്ന എനിക്ക് ഒരു രാത്രി കൊണ്ട് എങ്ങനെയാണ് അദ്ദേഹത്തെ പോലെയാവാൻ സാധിക്കുക?" പന്ത് ചോദിക്കുന്നു.

വെസ്റ്റ് ഇൻഡീസ് പര്യടനത്തിൽ ടി20യിൽ ഒഴികെ പന്തിന് കാര്യമായി ബാറ്റിങിൽ ഒന്നും ചെയ്യാനായില്ല. ദക്ഷിണാഫ്രിക്കക്കെതിരായ മത്സരങ്ങൾ പന്തിന് നിർണായകമാണ്. സഞ്ജു സാംസൺ, ഇഷൻ കിഷൻ തുടങ്ങി നിരവധി താരങ്ങൾ പന്തിന് വെല്ലുവിളിയാവുന്നുണ്ട്.