അരങ്ങേറ്റത്തില്‍ ബാറ്റിങ്ങില്‍ തിളങ്ങി
പ്രമുഖ കളിക്കാരുടെ അഭാവത്തില്‍ വണ്‍ഡൗണ്‍ ആയി കളിക്കാന്‍ ലഭിച്ച അവസരം സഞ്ജു ശരിയായി വിനിയോഗിച്ചു. ക്യാപ്റ്റന്‍ ശിഖര്‍ ധവാന്‍ അതിവേഗം മടങ്ങിയപ്പോള്‍ പൃഥ്വി ഷായുമായി ചേര്‍ന്ന് മികച്ച കൂട്ടുകെട്ടുണ്ടാക്കാനും സഞ്ജുവിന് സാധിച്ചു. 46 പന്തില്‍ 5 ബൗണ്ടറികളുടേയും ഒരു സിക്‌സറിന്റേയും സഹായത്താലായിരുന്നു സഞ്ജു 46 റണ്‍സെടുത്തത്. അരങ്ങേറ്റത്തില്‍ തന്നെ അര്‍ധശതകം നേടാനുള്ള അവസരം താരത്തിന് നഷ്ടമായി.
(PTI Photo)
ടി20 അരങ്ങേറ്റത്തിനുശേഷം കാത്തിരിപ്പ്
ടി20 അരങ്ങേറ്റത്തിനുശേഷം ദീര്‍ഘഇടവേള കഴിഞ്ഞാണ് സഞ്ജു ഏകദിനത്തില്‍ ഇറങ്ങുന്നത്. നാലു വര്‍ഷവും നാലു ദിവസവും ഇതിനായി കാത്തിരിക്കേണ്ടിവന്നു. ഇത്രയും നീണ്ട ഇടവേളയില്‍ ഏകദിനത്തില്‍ അരങ്ങേറുന്ന ആദ്യ ഇന്ത്യന്‍ താരവുമായി സഞ്ജു. രണ്ടു വര്‍ഷവും 139 ദിവസവും കഴിഞ്ഞ ക്രുനാല്‍ പാണ്ഡ്യയും രണ്ടുവര്‍ഷത്തിനടുത്ത കാത്തിരിപ്പ് നടത്തിയ രാഹുല്‍ ചാഹറുമാണ് സഞ്ജുവിന് പിന്നിലുള്ളത്.
(PTI Photo/Sportzpics)
Also Read: ഈ ടീമിൽ എന്തിന് അവസരം നൽകുന്നു? ഇന്ത്യൻ സൂപ്പർതാരത്തിനെതിരെ വിമർശനവുമായി ആരാധകർ!!