ഏഷ്യാകപ്പ്: ഇന്ത്യയെ തോൽപ്പിച്ച് ബംഗ്ലാദേശിന് കിരീടം

ന്യൂഡൽഹി: ഏഷ്യാകപ്പ് വനിതാ ക്രിക്കറ്റ് ഫൈനലിൽ ഇന്ത്യയെ മൂന്ന് വിക്കറ്റിന് തോൽപ്പിച്ച് ബംഗ്ലാദേശ് കിരീടം നേടി. ആവേശം നിറഞ്ഞ ഫൈനലിൽ അവസാന പന്തിലാണ് ബംഗ്ലാദേശ് വിജയം നേടിയത്. മത്സരത്തിൽ ടോസ് നേടി ബംഗ്ലാദേശ് ഫീൽഡിങ് തെരഞ്ഞെടുക്കുകയായിരുന്നു.

ആദ്യം ബാറ്റ് ചെയ്ത ഇന്ത്യ 20 ഓവറിൽ 112 റൺസെടുത്തു. ക്യാപ്റ്റൻ ഹർമൻ പ്രീത് കൗർ (56) അർധശതകം നേടി. മറുപടി ബാറ്റിങിന് ഇറങ്ങിയ ബംഗ്ലാദേശ് തുടക്കം മുതൽ ശ്രദ്ധയോടെയാണ് കളിച്ചത്. വിക്കറ്റ് നഷ്ടപ്പെടുത്താതെ കളിച്ചെങ്കിലും അവസാന ഓവറുകളിൽ ഇന്ത്യ പിടിമുറുക്കി.

അവസാന പന്തിൽ ജയിക്കാൻ വേണ്ടിയിരുന്ന രണ്ട് റൺസ് അടിച്ചെടുത്താണ് ബംഗ്ലാദേശ് കിരീടം നേടിയത്. ഏഷ്യകപ്പിൽ ബംഗ്ലാദേശിൻെറ ആദ്യ കിരീട വിജയമാണിത്.