​വനിതാ ടി20: ഇന്ത്യക്കെതിരെ ദക്ഷിണാഫ്രിക്കക്ക് ജയം

ന്യൂഡൽഹി: ഇന്ത്യക്കെതിരായ അഞ്ച് മത്സരങ്ങളുടെ ട്വൻറി20 പരമ്പരയിലെ മൂന്നാം മത്സരത്തിൽ ദക്ഷിണാഫ്രിക്കക്ക് അഞ്ച് വിക്കറ്റ് ജയം. ആദ്യം ബാറ്റ് ചെയ്ത് ഇന്ത്യക്ക് വെറും 134 റൺസേ നേടാനായുള്ളൂ. ഹർമൻ പ്രീത് കൗ‍ർ 48 റൺസ് നേടി. ദക്ഷിണാഫ്രിക്കക്കായി ഷബ്‍നം ഇസ്‍മയിൽ അഞ്ച് വിക്കറ്റ് വീഴ്ത്തി.

മറുപടി ബാറ്റിങിന് ഇറങ്ങിയ ദക്ഷിണാഫ്രിക്ക 19 ഓവറിൽ ലക്ഷ്യം മറികടക്കുകയായിരുന്നു. പരമ്പരയിലെ ആദ്യ രണ്ട് മത്സരങ്ങളിൽ ഇന്ത്യ ജയിച്ചിരുന്നു. മൂന്നാം മത്സരത്തിൽ ദക്ഷിണാഫ്രിക്ക ജയിച്ചതോടെ പരമ്പര 2-1 എന്ന നിലയിലാണ്.