ലോര്ഡ്സ്: ഇംഗ്ലണ്ടിനെതിരായ ടെസ്റ്റ് പരമ്പരയിലെ രണ്ടാം മത്സരത്തില് തകര്പ്പന് ജയത്തോടെ ഇന്ത്യ മുന്നിലെത്തിയിരിക്കുകയാണ്. ആദ്യ ടെസ്റ്റ് സമനിലയില് കലാശിച്ചതിനാല് രണ്ടാം മത്സരത്തിലെ ജയത്തോടെ ഇന്ത്യ 1-0ത്തിന് മുന്നിലെത്തി. ബൗളര്മാരും ബാറ്റ്സ്മാന്മാരും അവസരത്തിനൊത്ത് ഉയര്ന്നതോടെ അവിശ്വസനീയ ജയമാണ് ഇന്ത്യ ലോര്ഡ്സില് നേടിയെടുത്തത്. ആദ്യ ഇന്നിങ്സില് 126 റണ്സെടുത്ത കെ എല് രാഹുല് ആണ് മാന് ഓഫ് ദി മാച്ച്.
Read Also: ലോര്ഡ്സ് ഞങ്ങളിങ്ങ് എടുക്കുവാ, ത്രില്ലര് വിജയത്തിനുശേഷം ഇംഗ്ലണ്ടിന് ആരാധകരുടെ ട്രോള്
ജെയിംസ് ആന്ഡേഴ്സണും ജസ്പ്രീത് ബുംറയും തമ്മില് നടന്ന വാക്കേറ്റം ബൗളിങ്ങിനിടെയും പ്രതിഫലിച്ചിരുന്നു. ആന്ഡേഴ്സണ് ബാറ്റിങ്ങിനെത്തിയപ്പോള് ബൗണ്സറുകളുമായി ബുംറ വിറപ്പിച്ചു. ഇതേ തുടര്ന്ന് ബുംറ ബാറ്റ് ചെയ്യുമ്പോഴും ഇംഗ്ലീഷ് ബൗളര്മാരും ബൗണ്സറുകളെറിഞ്ഞു. ബൗളര്മാരുടെ പ്രകടനത്തെ കെ എല് രാഹുല് പുകഴ്ത്തി. പ്രതീക്ഷിച്ച രീതിയിലായിരുന്നു അവരുടെ പ്രകടനമെന്നും ഇന്ത്യന് ഓപ്പണര് വിലയിരുത്തി.
മുഹമ്മദ് ഷമിയും ജസ്പ്രീത് ബുംറയും ചേര്ന്ന് ഒന്പതാം വിക്കറ്റില് നേടിയ 89 റണ്സ്, രണ്ട് ഇന്നിങ്സുകളിലുമായി മുഹമ്മദ് സിറാജിന്റെ 8 വിക്കറ്റ്, കെ എല് രാഹുലിന്റെ സെഞ്ച്വറി, നിര്ണായകമായ ചില ഡിആര്സ്സുകള് തുടങ്ങിയവയെല്ലാം ലോര്ഡ്സില് ഇന്ത്യയത്തില് പങ്കുവഹിച്ചു. ഹോം മൈതാനത്തിന്റെ ആനുകൂല്യം മുതലെടുത്ത് ഇംഗ്ലണ്ട് ബൗളര്മാര്ക്ക് തിളങ്ങാനാകാത്തതും ഇന്ത്യയ്ക്ക് നേട്ടമായി.