ആദ്യമായി ടി20 ലോകകിരീടം നേടിയ ഓസ്ട്രേലിയ തങ്ങളുടെ ആഘോഷത്തിന് ഒരു കുറവും വരുത്തിയില്ല. ന്യൂസിലൻഡിനെ ആധികാരികമായി എട്ട് വിക്കറ്റിന് തോൽപ്പിച്ചാണ് ഓസീസ് കപ്പടിച്ചത്. ടൂർണമെൻറിൻെറ താരമായി ഡേവിഡ് വാർണർ മാറിയപ്പോൾ കളിയിലെ താരമായത് മിച്ചൽ മാർഷാണ്. ഇരുവരും നേടിയ അർധശതകങ്ങളാണ് ഫൈനലിൽ ഓസീസിനെ വിജയത്തിലേക്ക് നയിച്ചത്.
കിരീടം നേടിയ ശേഷം ഓസീസ് ഡ്രസ്സിങ് റൂമിൽ നടന്നത് സാധാരണ വിജയ ആഘോഷങ്ങളൊന്നുമായിരുന്നില്ല. സെമിയിൽ ഓസീസിൻെറ വിജയശിൽപ്പിയായ വിക്കറ്റ് കീപ്പർ ബാറ്റർ മാത്യു വേഡ് ഷൂവിലൊഴിച്ചാണ് കുടിച്ചത്. സഹതാരം മാർകസ് സ്റ്റോയ്നിസും മടിച്ച് നിന്നില്ല. തൻെറ കയ്യിലെ ഡ്രിങ്ക്സും ഷൂവിലേക്ക് ഒഴിച്ച് സ്റ്റോയ്നിസ് കുടിച്ചു.
ഓസ്ട്രേലിയയിലടക്കം ലോകത്തിൻെറ പലഭാഗങ്ങളിലും ഇങ്ങനെ ആഘോഷിക്കാറുണ്ട്. സ്വന്തം ഷൂവിൽ ഒഴിച്ചാണ് പലപ്പോഴും കുടിക്കാറുള്ളത്. സുഹൃത്തുക്കളെ ക്ഷണിക്കുകയും ചെയ്യും. സാധാരണ ബിയറാണ് ഇങ്ങനെ ഷൂവിലൊഴിച്ച് കുടിക്കാറുള്ളത്.
വരുന്ന കുറച്ച് ദിവസത്തേക്ക് തന്നെ വിളിച്ചാൽ കിട്ടില്ലെന്നാണ് ഗ്ലെൻ മാക‍്‍സ‍്‍വെൽ ട്വീറ്റ് ചെയ്തത്. മുൻ നായകൻ സ്റ്റീവ് സ്മിത്ത് സ്പിന്നർ ആഡം സാംപക്കൊപ്പം സെൽഫിയെടുത്ത് സന്തോഷം പങ്കുവെച്ചു. 13 വിക്കറ്റുകൾ വീഴ്ത്തിയ സാംപ ഓസീസിൻെറ കിരീടവിജയത്തിൽ നിർണായകപങ്ക് വഹിച്ച കളിക്കാരനാണ്. ഡേവിഡ് വാർണറേക്കാൾ സാംപയാണ് പ്ലെയർ ഓഫ് ദി ടൂർണമെൻറ് ആവേണ്ടിയിരുന്നതെന്ന് ഓസീസ് നായകൻ ആരോൺ ഫിഞ്ച് പറഞ്ഞിരുന്നു.
ഇംഗ്ലണ്ടിനെതിരായ ആഷസ് പരമ്പരയാണ് ഇനി ഓസ്ട്രേലിയക്ക് മുന്നിലെ പ്രധാന പരമ്പര. കഴിഞ്ഞ ഏകദിന ലോകകപ്പിൽ ടീം സെമിയിലെത്തിയിരുന്നു. ജേതാക്കളായ ഇംഗ്ലണ്ടിനോടാണ് സെമിയിൽ തോറ്റത്. ഇത്തവണ ടി20 ലോകകപ്പിൽ ഗ്രൂപ്പ് ഘട്ടത്തിൽ ഓസ്ട്രേലിയ തോറ്റതും ഇംഗ്ലണ്ടിനോട് മാത്രമാണ്.
കിരീടം നേടിയ ശേഷം ഓസീസ് ഡ്രസ്സിങ് റൂമിൽ നടന്നത് സാധാരണ വിജയ ആഘോഷങ്ങളൊന്നുമായിരുന്നില്ല. സെമിയിൽ ഓസീസിൻെറ വിജയശിൽപ്പിയായ വിക്കറ്റ് കീപ്പർ ബാറ്റർ മാത്യു വേഡ് ഷൂവിലൊഴിച്ചാണ് കുടിച്ചത്. സഹതാരം മാർകസ് സ്റ്റോയ്നിസും മടിച്ച് നിന്നില്ല. തൻെറ കയ്യിലെ ഡ്രിങ്ക്സും ഷൂവിലേക്ക് ഒഴിച്ച് സ്റ്റോയ്നിസ് കുടിച്ചു.
ഓസ്ട്രേലിയയിലടക്കം ലോകത്തിൻെറ പലഭാഗങ്ങളിലും ഇങ്ങനെ ആഘോഷിക്കാറുണ്ട്. സ്വന്തം ഷൂവിൽ ഒഴിച്ചാണ് പലപ്പോഴും കുടിക്കാറുള്ളത്. സുഹൃത്തുക്കളെ ക്ഷണിക്കുകയും ചെയ്യും. സാധാരണ ബിയറാണ് ഇങ്ങനെ ഷൂവിലൊഴിച്ച് കുടിക്കാറുള്ളത്.
വരുന്ന കുറച്ച് ദിവസത്തേക്ക് തന്നെ വിളിച്ചാൽ കിട്ടില്ലെന്നാണ് ഗ്ലെൻ മാക‍്‍സ‍്‍വെൽ ട്വീറ്റ് ചെയ്തത്. മുൻ നായകൻ സ്റ്റീവ് സ്മിത്ത് സ്പിന്നർ ആഡം സാംപക്കൊപ്പം സെൽഫിയെടുത്ത് സന്തോഷം പങ്കുവെച്ചു. 13 വിക്കറ്റുകൾ വീഴ്ത്തിയ സാംപ ഓസീസിൻെറ കിരീടവിജയത്തിൽ നിർണായകപങ്ക് വഹിച്ച കളിക്കാരനാണ്. ഡേവിഡ് വാർണറേക്കാൾ സാംപയാണ് പ്ലെയർ ഓഫ് ദി ടൂർണമെൻറ് ആവേണ്ടിയിരുന്നതെന്ന് ഓസീസ് നായകൻ ആരോൺ ഫിഞ്ച് പറഞ്ഞിരുന്നു.
ഇംഗ്ലണ്ടിനെതിരായ ആഷസ് പരമ്പരയാണ് ഇനി ഓസ്ട്രേലിയക്ക് മുന്നിലെ പ്രധാന പരമ്പര. കഴിഞ്ഞ ഏകദിന ലോകകപ്പിൽ ടീം സെമിയിലെത്തിയിരുന്നു. ജേതാക്കളായ ഇംഗ്ലണ്ടിനോടാണ് സെമിയിൽ തോറ്റത്. ഇത്തവണ ടി20 ലോകകപ്പിൽ ഗ്രൂപ്പ് ഘട്ടത്തിൽ ഓസ്ട്രേലിയ തോറ്റതും ഇംഗ്ലണ്ടിനോട് മാത്രമാണ്.