ഓപ്പണർമാർ ഇവർ
ഇന്ത്യൻ ഉപനായകൻ രോഹിത് ശർമയും വെസ്റ്റ് ഇൻഡീസിൻെറ ഇതിഹാസ ബാറ്റർ ക്രിസ് ഗെയിലുമാണ് രോഹിത് ശർമയുടെ ടീമിലെ ഓപ്പണർമാർ. സ്പോർട്സ് കീഡയുടെ യൂ ട്യൂബ് ചാനലിലാണ് ഹർഭജൻ ടീം പ്രഖ്യാപിച്ചത്. മറ്റൊരു മികച്ച ഓപ്പണർ കൂടി ടീമിലുണ്ട്. ഇംഗ്ലണ്ടിൻെറ ജോസ് ബട്ട്ലറാണ് ആ താരം. മൂന്നാം നമ്പറിലാണ് ബട്ട്ലറിനെ ഇറക്കുന്നത്.
(AP/PTI)
കരുത്തുള്ള മധ്യനിര
ശക്തരായ ബാറ്റർമാരാണ് ടീമിൻെറ മധ്യനിരയിലുള്ളത്. ഓസ്ട്രേലിയയുടെ മുൻ ഓൾറൌണ്ടർ ഷെയ്ൻ വാട്സൺ ടീമിലുണ്ട്. നാലാം നമ്പറിലാണ് വാട്സണുള്ളത്. ദക്ഷിണാഫ്രിക്കയുടെ എബി ഡി വില്ലിയേഴ്സാണ് മറ്റൊരു താരം. മുൻ ഇന്ത്യൻ ക്യാപ്റ്റൻ എംഎസ് ധോണിയാണ് ഹർഭജൻെറ ടീമിൻെറ നായകൻ. ഫിനിഷറായ ധോണി ആറാമനായി ഇറങ്ങും.
(PTI Photo/Sportzpics)
ഓൾറൗണ്ട‍ർമാർ, ബോളർമാർ
മൂന്ന് ഓൾറൌണ്ടർമാരും രണ്ട് പേസർമാരും ഹർഭജൻെറ ടീമിലുണ്ട്. സ്പെഷ്യലിസ്റ്റ് സ്പിന്നറായി ആരുമില്ല. സുനിൽ നരെയ്നാണ് ഏക സ്പിന്നർ. ഓൾറൌണ്ടർമാരായ കീറോൺ പൊള്ളാർഡും ഡ്വെയിൻ ബ്രാവോയും ഭാജിയുടെ ടീമിൽ സ്ഥാനം പിടിച്ചു. രണ്ട് യോർക്കർ സ്പെഷ്യലിസ്റ്റുകളാണ് പേസർമാർ. ലസിത് മലിംഗയാണ് ഒരാൾ. ഇന്ത്യയുടെ ജസ്പ്രീത് ബുംറയും ടീമിലുണ്ട്.
(AP/PTI Photo)